E fundit!

09:34 Aktualitet

Apel për kujdes nga temperaturat e larta/ Rrezik për të moshuarit dhe fëmijët

Temperaturat e larta që po përfshijnë vendin po rrisin rre...

Dhjetëra mijëra persona në Bullgari protestojnë kundër qeverisë/ Shkak, rritja e taksave

2 Dhjetor 2025, 09:07, Aktualitet CNA

Dhjetëra mijëra persona në Bullgari protestojnë kundër

Dhjetëra mijëra persona kanë protestuar në Sofje dhe disa qytete në Bullgari mbrëmjen e djeshme, duke kërkuar tërheqjen e buxhetit të ri dhe largimin e qeverisë. Kjo protestë cilësohet si një nga marshimet më të mëdha të viteve të fundit, ku sipas mediave vendase rreth 50 000 persona kanë qenë të pranishëm.

Protestuesit thërrisnin "Dorëheqje!", ndërsa në dy pankarta të mëdha shkruhej përkatësisht "Gjenerata Z po vjen" dhe "Bullgaria e Re pa mafien".

Protestuesit kërkojnë që qeveria të përmbushë premtimin e saj për të tërhequr buxhetin e vitit 2026, i cili përfshin rritje të taksave dhe kontribute shtesë të sigurimeve shoqërore. Qytetarët kanë shprehur pakënaqësi të fortë me korrupsionin në sektorin publik, duke kërkuar dorëheqjen e qeverisë së udhëhequr nga Rosen Zhelezkov.

Bullgaria, me një popullsi prej 6.4 milionë banorësh, renditet vazhdimisht ndër vendet më të korruptuara në Bashkimin Europian, sipas Indeksit të Korrupsionit të "Transparency International". Vetëm Hungaria renditet më keq midis 27 shteteve anëtare.

Edhe pse tubimi kryesor në qendër të Sofjes ishte paqësor, tensionet nisën pas përfundimit të tij. Disa protestues u përleshën me policinë, duke hedhur gurë, shishe dhe fishekzjarre.

Kazanëve të plehrave iu vu flaka, ndërsa një furgon policie u dëmtua rëndë. Dëme u shkaktuan edhe në zyrat e partisë në pushtet, si dhe në një parti tjetër që mbështet qeverinë. Policia u përgjigj me sprej me piper dhe arrestoi të paktë dhjetë persona, ndërsa dy oficerë policie mbetën të plagosur.

Presidenti i vendit, Rumen Radev, i dënoi incidentet dhe u bëri thirrje si protestuesve ashtu edhe autoriteteve të shmangin dhunën. Në një deklaratë publike, ai bëri thirrje që qeveria të japë dorëheqjen, duke theksuar se e vetmja rrugëzgjidhje është largimi i qeverisë aktuale dhe zgjedhjet e parakohshme. /CNA