web counter
LEXO PA REKLAMA!

SHKARKO APP

App Store
Google Play

E fundit!

x

Sot seanca paraprake për Veliajn në Gjykatën e Posaçme

2 Dhjetor 2025, 08:21, Aktualitet CNA

Sot seanca paraprake për Veliajn në Gjykatën e Posaçme

Zhvillohet sot në Gjykatën e Posaçme seanca paraprake për kryebashkiakun Erion Veliaj.

GJKKO do të vendosë sot nëse do të kalojë apo jo për gjykim çështja ndaj kryebashkiakut kundrejt të cilit rëndojnë 13 akuza për 5 vepra të rënda penale.

Kujtojmë që seanca paraprake për Veliajn ishte caktuar të mbahej më 17 nëntor, por u shty për shkak se avokatët e kryebashkiakut kërkuan kohë për t’u njohur me aktet.

Ndërkohë, sjellim në vëmendje se nuk ishte hera e parë që avokatët e Veliajt kërkojnë shtyrje.

Seanca paraprake e 12 nëntorit u shty për të njëjtën kërkesë me atë të 17 nëntorit, kërkesa e avokatëve për t’u njohur me aktet. Akte të cilat avokatët e Veliajt i kanë marrë që prej muajit korrik.

Seanca paraprake ishte vendosur të shqyrtohej më 28 tetor, por avokatët e Veliajt përdorën sërish strategjitë dhe taktikat e tyre për të shtyrë seancën.

Më herët seanca paraprake për Veliajn u shty për shkak të bojkotit të avokatëve më 10 tetor, pas vrasjes së gjyqtarit Astrit Kalaja në sallën e gjyqit, ndërsa herën e dytë, më 21 tetor, u shty për shkak të bojkotit pas arrestimit të avokatit në Elbasan.

Ndërsa më 29 shtator seanca paraprake u shty për shkak të mosnjoftimit për disa nga të pandehurit. SPAK ka kopsitur dosjen e Veliajt dhe e ka dërguar për gjykim.

Mbetet të shihet nëse seanca paraprake do të mbahet ditën e sotme apo avokatët dhe "ushtarët" e Veliajt do të gjejnë sërish një arsye për shtyrjen e seancës./CNA





Lajmet e fundit nga