web counter
LEXO PA REKLAMA!

SHKARKO APP

App Store
Google Play

Hakerimi i sistemit IT/ Kuvendi: Është fshirë një pjesë e informacionit në disa llogari të administratës

10 Mars 2026, 17:57, Aktualitet CNA

Hakerimi i sistemit IT/ Kuvendi: Është fshirë një pjesë

Kuvendi i Shqipërisë ka shpërndarë një njoftin në lidhje me sulmin kibernetik ndaj sistemit IT.

Në njoftimin e bërë, Kuvendi thotë se gjatë verifikimeve është konstatuar fshirja e një pjese të informacionit në disa llogari përdoruesish të punonjësve të administratës.

Sa i përket sulmit, Kuvendi shprehet vlerësimi paraprak tregon një sulm të sofistikuar kibernetik.

Në njoftim bëhet me dije se infrastruktura kryesore e punës nuk është prekur.

 

Njoftimi

 

Në përgjigje të interesimit të medias, Kuvendi i Shqipërisë informon se mbrëmjen e djeshme, rreth orës 21:00, është konstatuar një akses i paautorizuar në infrastrukturën IT të institucionit. Gjatë verifikimeve është vënë re fshirja e një pjese të informacionit në disa llogari përdoruesish të punonjësve të administratës.

Vlerësimi paraprak teknik tregon se mund të bëhet fjalë për një sulm të sofistikuar kibernetik, i cili ka pasur si synim fshirjen e të dhënave dhe cenimin e disa sistemeve të brendshme.

Nga analizat e para rezulton se infrastruktura kryesore e punës nuk është prekur. Faqja zyrtare e Kuvendit të Shqipërisë dhe sistemet e tjera që mbështesin funksionimin e institucionit vijojnë të funksionojnë normalisht.

Menjëherë pas konstatimit të incidentit janë marrë masa për izolimin e trafikut të dyshimtë dhe për neutralizimin e sulmit. Ndërkohë, ekipet teknike po punojnë për rikuperimin e të dhënave të fshira në llogaritë e përdoruesve.

Për këtë situatë është ngritur një skuadër e përbashkët teknike dhe hetimore që po punon për analizimin e plotë të incidentit, identifikimin e burimit të sulmit dhe rikthimin e të dhënave të prekura. Në këtë proces Kuvendi i Shqipërisë po bashkëpunon ngushtë me institucionet përgjegjëse për sigurinë kibernetike, përfshirë Autoritetin Kombëtar për Sigurinë Kibernetike (AKSK), Drejtorinë për Hetimin e Krimit Kibernetik në Policinë e Shtetit dhe Komandën Kibernetike në Ministrinë e Mbrojtjes.

Gjithashtu, gjatë këtyre orëve është ofruar mbështetje teknike edhe nga partnerët ndërkombëtarë, me të cilët po vijon komunikimi për vlerësimin e situatës dhe hapat e mëtejshëm.





Lajmet e fundit nga