web counter
LEXO PA REKLAMA!

SHKARKO APP

App Store
Google Play

Kolegjet e Bashkuara vendosin të hënën/ “Dritarja" e Sadushit për të nxjerrë Veliajn nga qelia

1 Maj 2026, 11:47, Aktualitet CNA

Të hënën në mesditë, Kolegjet e Bashkuara pritet të japin vendimin në lidhje vendimin e ndërmjetëm të marrë nga kryetari i Gjykatës së Lartë, Sokol Sadushi, i pavetinguari në shërbim të kryebashkiakut të arrestuar për 13 akuza dhe 5 vepra të rënda penale, Erion Veliaj, për aplikimin e masës arrest me burg.

Kolegjet e Bashkuara do të japin vendimin të hënën e 4 majit nëse e votojnë apo jo vendimin e ndërmjetëm të marrë nga Sadushi për të nxjerrë Veliajn nga qelia, duke marrë si justifikim rastin e Begtash Zenelit. 

Më 9 prill, në orën 09:30, Kolegjet e Bashkuara u mblodhën në një seancë gjyqësore për të shqyrtuar një akt turpi të marrë nga partizan Sadushi që është konkretisht vendimi i ndërmjetëm për “Nisjen e procedurës për ndryshimin e pjesshëm të praktikës gjyqësore të njësuar, lidhur me vendimin nr. 7, datë 14.10.2011 të Kolegjeve të Bashkuara të Gjykatës së Lartë”.

Skenari është i qartë. Qëllimi i këtij akti është politik, që mjet ka nxjerrjen e kryebashkiakut të arrestuar të Tiranës, Erion Veliaj, nga burgu.

I pavetinguari Sokol Sadushi, përmes këtij vendimi të ndërmjetëm, kërkon të bëjë ndryshime procedurale që në finale çojnë në ndryshimin e kritereve të vendosjes së masës së sigurimit, duke i shërbyer në këtë mënyrë Erion Veliajt si hall i madh i kreut të Gjykatës së Lartë dhe mikut të tij Mero Baze, gazetar mercenar, kamikaz i familjes Veliaj./ CNA

 





Lajmet e fundit nga