web counter
LEXO PA REKLAMA!

SHKARKO APP

App Store
Google Play

“Taulant Balla, kallëzues i rremë”/ Avokati i Metës: Nuk iu përgjigj asnjë pyetjeje

1 Maj 2026, 09:55, Aktualitet CNA

“Taulant Balla, kallëzues i rremë”/ Avokati i Metës:

Avokati Kujtim Cakrani ka bërë deklarata të forta lidhur me dëshminë e kreut të Grupit Parlamentar të PS-së, Taulant Balla, në GJKKO, duke e akuzuar atë si kallëzues të rremë dhe duke pretenduar se nuk ka qenë i saktë në deklarimet e tij.

Sipas Cakranit, Balla nuk ka arritur t’u përgjigjet pyetjeve lidhur me përmbajtjen e kallëzimit penal që kishte paraqitur më herët.

Sipas tij, kallëzimet nuk janë bërë nga personat që përmenden drejtpërdrejt në debat, por nga palë të tjera, duke ngritur dyshime mbi mënyrën se si është ndërtuar çështja.

Cakrani gjithashtu kritikoi ashpër dëshminë në gjykatë, duke thënë se nëse do të ishte në vend të Jamarbër Malltezit, do të ndërmerrte veprime ligjore ndaj Ballës për kallëzim të rremë.

“Taulanti është kallëzues i rremë. Taulanti nuk ia ka bërë kallëzimin Taulantit. Duhet të kuptoni diçka. As për zotin Meta nuk e kanë bërë kallëzimin ata. Kallëzimet janë bërë diku tjetër, e kupton? Taulanti është kallëzues i rremë.

Taulanti nuk iu përgjigj dot asnjë pyetjeje, nga ato që ai kishte shkruar vetë në kallëzimin penal. Dhe unë të isha si Malltezi sot do të merrja të zbardhur transkriptin e gjykatës dhe do t'i bëja kallëzim penal atij individi, atij palaçoje. E kuptoni apo jo? Sepse këta krijojnë urrejtje, ushqejnë urrejtje sot akoma ndaj pronarëve legjitimë. E kupton apo jo? Kjo është e pafalshme, është e papranueshme.

Taulant Balla dje nuk ka thënë asgjë nga ato që kishte në kallëzim. Madje mori kallëzimin, do të lexonte kallëzimin se s'dinte çfarë kishte shkruar. Sepse ai nuk e ka bërë vetë dhe ai nuk ka ditur çfarë ka bërë. Ajo çështje kur është kallëzuar, është kallëzuar për shpërdorim detyre dhe ka qenë për Jamarbër Malltezin, jo për Sali Berishën”, -ka deklaruar Cakrani./ CNA

 





Lajmet e fundit nga