web counter
LEXO PA REKLAMA!

SHKARKO APP

App Store
Google Play

Dosja “Partizani”/ Malltezi: Taulant Balla tha 11 gënjeshtra në dëshminë e tij

30 Prill 2026, 16:29, Aktualitet CNA

Dosja “Partizani”/ Malltezi: Taulant Balla tha 11 gënjeshtra

Jamarbër Malltezi ndau sot disa deklarata pas daljes nga Gjykata e Posaçme, ku këtë të enjte ishin të pranishëm edhe 8 dëshmitarë, mes të cilëve edhe deputeti socialist Taulant Balla.

Në fjalën e tij para gazetarëve, Malltezi kundërshtoi qëndrimet e Ballës, që sipas tij, ka thënë njëmbëdhjetë gënjeshtra në dëshminë e tij, teksa u ndal gjerësisht edhe te disa fakte që i cilëson si të pabaza, pasi burojnë nga mediat.

“Pati një moment që ngaqë nuk kishte fakte tha se e bazon në burime mediatike. Është për gjuhën që e thotë këtë një deputet. 11 gënjestrat e Taulantit janë për shpronësimet, është një deputet që gënjen. Procesi i kthimit të pronës nuk ka zgjatur 6 muaj. Plani i përhapjes është firmosur nga Alfred Moisiu. Nuk i del llogaria për sipërfaqen e pronës. Nuk kam marrë 60% të projekteve tha se e ka me të dëgjuar. Gënjeu kur tha se i kam bërë presion Ministrisë së Mbrojtjes. Gënjeu kur tha se nuk ka depozituar shkresa kur ka bërë deklaratën sepse nuk i ka lexuar, duke angazhuar studio ligjore. Iu ofrua mundësia të shikonte ndryshimet e lejes të bëra nga qeveria e Edi Ramës. A mund të jetë i besueshëm? Po jua lë vetë juve që ta gjykoni”,-tha Malltezi./CNA





Lajmet e fundit nga