E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Situatë “e nxehtë” në gjyq/ Përballen Balla dhe Malltezi

30 Prill 2026, 14:26, Aktualitet CNA

Situatë “e nxehtë” në gjyq/ Përballen Balla dhe

Sot në GJKKO po dëshmon kreu i Grupit Parlamentar të PS-së, Taulant Balla, për dosjen “Partizani”.

Në seancë prezent është edhe Jamarbër Malltezi, i cili është përballur me Ballën duke e pyetur se nën cilësinë e kujt e ka bërë kallëzimin.

Balla është shprehur se kallëzimin e ka bërë në cilësinë e qytetarit.

Pjesë nga gjyqi:

SPAK: Ju keni ngritur dyshime për origjinën e pronësisë, pasi pretendoni se janë dëmshpërblyer?

Balla: Jam njohur nga mediat me një dokument ku thuhej se pronarët janë dëmshpërblyer shumë vite më parë. Dihej botërisht që qeveria italiane nuk mund të ndërtonte një aeroport pa pasur një dokument pronësie.

SPAK: A ju kujton gjë shoqëria "G Kamp"?

Balla: Jo, nuk më kujtohet.

Jamarbër Malltezi: Çfarë pozicioni ishit kur bëtë kallëzimin?

Balla: Kam qene sekretar i Përgjithshëm i PS-së. Unë kam kryer detyrën si çdo qytetar. Kam kryer detyrën në dobi të interesit publik. Kam qenë kryetar i grupit të PS-së.

Jamamber Malltezi: A më sqaroni dot se ku punoni?

Balla: Jam deputet i Parlamentit të Shqipërisë.

Malltezi: Po funksion tjetër?

Balla: Drejtues politik i PS-së për Diasporën.

Malltezi: Sa kohë keni deputet?

Balla: 9 shator 2005.

Malltezi: Në çfarë pozicioni keni qenë kur keni bërë kallëzimin?

Balla: Kam qenë kryetar i grupit të Partisë Socialiste.

Malltezi: Në çfarë cilësie e keni bëre kallëzimin?

Balla: E kam nënshkruar si qytetar.

Malltezi: Dëshmitari thotë e kam firmos si qytetar, ndërkohë duket qartazi ndryshe.

Balla: Në lidhje me këtë çështje kam kryer detyrën si qytetar i Republikës së Shqipërisë, kam bërë detyrën edhe si deputet dhe përfaqësues i një funksioni publik.

Malltezi: A ka qenë kjo veprimtari e Grupit Parlamentar?

Balla: Është e ndërthurur, vendimi ka qenë imi, jo i Grupit Parlamentar të PS-së.

Malltezi: Provat a janë depozituar nga ju?

Balla: Kjo ka qenë një punë hetimore shumëvjeçare, kam shfrytëzuar ligjin për statusin e deputetit dhe kam mbledhur dokumentet dhe i kam depozituar në prokurorin e posaçme.

Malltezi: Një pjesë e këtyre të dhënave janë të dhëna personale. Si janë marrë provat?

Balla: U jam drejtuar institucioneve në lidhje me procedurat që janë ndjekur, një pjesë kanë qenë edhe nëpërmjet qytetarëve./ CNA