web counter
LEXO PA REKLAMA!

SHKARKO APP

App Store
Google Play

E fundit!

x

Masakra mjedisore/ Policia Kriminale nis hetimet penale

30 Prill 2026, 12:48, Aktualitet CNA

Skandali i hedhjes së inerteve në lumin e Tiranës dhe Rrugën e Arbrit ka kaluar tashmë në kompetencë të Policisë së Shtetit.

Pas ndërhyrjes së IKMT-së, në terren ka zbarkuar edhe Policia Kriminale, e cila ka konstatuar krimin mjedisor në përmasa tronditëse.

Gjatë inspektimit të kryer këtë të enjte, efektivët e policisë kanë mbajtur procesverbalet përkatëse dhe kanë dokumentuar gjendjen në të cilën ndodhet periferia e kryeqytetit.

Burime për CNA bëjnë me dije se do të regjistrohet menjëherë një çështje penale për këtë masakër mjedisore, ndërsa materialet do t'i kalojnë Prokurorisë së Tiranës për kallëzim penal.

Ky aksion i forcave të rendit vjen si pasojë e drejtpërdrejtë e denoncimit mediatik të CNA-së, e cila përmes pamjeve filmike ekspozoi se si subjektet private po shkatërrojnë mjedisin duke hedhur dhera e mbetje pranë lumit të Tiranës, buzë Rrugës së Arbrit.

Hetimi i nisur nga Policia Kriminale synon identifikimin e administratorëve të firmave të ndërtimit dhe individëve që kanë përdorur hapësirat publike si venddepozitime të paligjshme.

CNA do të vijojë të publikojë raste të tjera të ngjashme në kryeqytet dhe në zonat përreth, se si inertet po hidhen vend e pa vend në përrenj, në lumenj, në toka, në rrugë etj., duke shkatërruar mjedisin.

Synimi ynë është vënia përpara përgjegjësisë e çdo institucioni që ka lejuar këtë shkatërrim të ekosistemit./ CNA





Lajmet e fundit nga