web counter
LEXO PA REKLAMA!

SHKARKO APP

App Store
Google Play

E fundit!

x

Gara për drejtimin e PD-së, skadon afati/ Noka: Aplikantët duhet t’u shërbejnë interesave të demokratëve, jo Edi Ramës

30 Prill 2026, 12:20, Aktualitet CNA

Gara për drejtimin e PD-së, skadon afati/ Noka: Aplikantët duhet

Sekretari i Përgjithshëm i PD-së, Flamur Noka, ka folur jashtë selisë blu për garën për kreun e partisë dhe dorëzimin e aplikimeve të kandidatëve.

Ai u shpreh se dyert e PD-së janë të hapura për çdo anëtar demokrat që plotëson kriteret për pjesëmarrje në garë. Duke ironizuar ai tha se aplikanti duhet t’u shërbejë interesave të demokratëve dhe jo Edi Ramës. 

Gjithashtu ai shtoi se Mereme Sela është një nga emrat që ka dorëzuar aplikimin dhe do të vlerësohet nëse i plotëson kriteret për të qenë pjesë e garës.

“Çdo anëtar i PD-së që ka dëshirë për të kandiduar në çdo lloj institucioni të kësaj partie dhe plotëson kriteret e ka derën hapur dhe do të mirëpritet në kandidim. Më 13 mars kam komunikuar se gara është e hapur dhe kemi qenë transparentë për këtë. Çdokush që aspiron për të aplikuar ka pasur një muaj afat. Çdo anëtar i PD-së që plotëson kriteret është i mirëpritur. Për Partinë Demokratike duhet të jesh njeri që u shërben demokratëve dhe jo Ramës. Mereme Sela është demokrate, është anëtare dhe i ka sjellë dokumentet. Më pas do të vlerësohet nëse i plotëson kriteret. Dokumentet që sjell Edi Rama apo Suel Çela, jo, nuk do të pranohen. Dini ndonjë anëtar që ka aplikuar dhe nuk i është pranuar aplikimi? Nuk ndodh”, tha Noka.

Ora 12:00 ishte dhe afati i fundit për dorëzimin e aplikimeve për pjesëmarrje në garë. Ndërkohë raportohet se emrat që kanë shprehur vullnetin për të kandiduar janë Sali Berisha, Mereme Sela, Alesia Balliu, Evi Kokalari dhe Ervin Salianji. /CNA





Lajmet e fundit nga