E fundit!

11:24 Aktualitet

SPAK merr të pandehur ish-kryebashkiakun socialist

SPAK ka marrë të pandehur ish-kryebashkiakun socialist të ...

Shqipëria, rënie në lirinë e medias/ Këlliçi: Kambanë alarmi që tregon regjimin autokratik të Ramës

30 Prill 2026, 10:18, Aktualitet CNA

Shqipëria, rënie në lirinë e medias/ Këlliçi:

Deputeti i PD-së, Belind Këlliçi, ka reaguar pas raportit të Reporterëve Pa Kufij, ku thuhej se Shqipëria ka shënuar rënie në radhitjen e vendeve për lirinë e medias, duke u renditur në vendin e 83-të nga 180 vende në total.

Deputeti në reagimin e tij thekson se me kryeministrin Edi Rama Shqipëria është përkeqësuar në renditjen e lirisë së medias.

Këlliçi nënvizon se kjo është një kambanë alarmi që tregon edhe një herë regjimin autokratik të Edi Ramës.

Sipas tij, kur kryeministri sillet dhe vepron si armik i shtypit, kur censura është në aksion, kur kontrollohet linja editoriale e mediave, kur pjesa më e madhe e gazetarëve dhe redaktorëve janë nën autocensurë, Shqipëria do të zbresë në renditjen e organizmave ndërkombëtarë sa i përket lirisë së shprehjes.

"Me Edi Ramën, Shqipëria përkeqësohet në renditjen e lirisë së medias!

Nuk ka dyshim se kur kryeministri sillet dhe vepron si armik i shtypit, kur censura është në aksion, kur kontrollohet linja editoriale e mediave, kur pjesa më e madhe e gazetarëve dhe redaktorëve janë nën autocensurë, Shqipëria do të zbresë në renditjen e organizmave ndërkombëtar sa i përket lirisë së shprehjes.

Këtë tregon dhe raporti i fundit i “Reporterëve pa Kufi”, ku vendi ynë ka humbur pikë dhe renditet me 3 vende më poshtë se sa matja e fundit.

Kjo është një këmbanë alarmi që tregon dhe një herë regjimin autokratik të Edi Ramës.

Një kryeministër i korruptuar dhe manjak i propagandës dhe kontrollit të mediave që mburret se po ecën me integrimin, ndërkohë që gjithë treguesit që kanë të bëjnë me standartet e demokracisë shënojnë regres, kthim mbrapa.

Shqipëria do të ngrihet në renditje dhe liria e shtypit do të fitojë terren vetëm kur Edi Rama të mos jetë më censori më i madh i vendit, kur ai të largohet nga karrigia nga ku bën çdo ditë kryeredaktorin e mediave që ka nën tutelë dhe ku sulmon e hedh baltë mbi çdo zë kritik që nuk e ka nënshtruar apo blerë dot", shkruan Këlliçi./ CNA