web counter
LEXO PA REKLAMA!

SHKARKO APP

App Store
Google Play

E fundit!

x

Zgjedhja e kreut të PD-së/ Sot afati i fundit për dorëzimin e kandidaturave

30 Prill 2026, 09:00, Aktualitet CNA

Zgjedhja e kreut të PD-së/ Sot afati i fundit për dorëzimin

Mesdita e sotme është afati përfundimtar për ata që synojnë postin e kryetarit të Partisë Demokratike. Sipas udhëzimit të 18 marsit, kandidatët duhet të dorëzojnë kërkesat e tyre deri sot në orën 12:00.

Momentalisht, kandidati i vetëm është kreu aktual i PD-së, Sali Berisha, që pritet të drejtojë partinë më të madhe opozitare në vend edhe për katër vite të tjera.

Kandidimi për kreun e ri të PD-së përfshin një sërë kriteresh mes të cilave, edhe detyrimi për të qenë anëtarë të PD-së me një profil të lartë publik dhe politik, si dhe me një angazhim të paktën 10-vjeçar në parti.

Ndërkohë një ditë më parë PD njoftoi edhe mbledhjen e Kuvendit Kombëtar që do të mbahet më 30 maj, në orën 11:00. Vendimi për thirrjen e Kuvendit është marrë në mbështetje të Statutit të partisë dhe parashikon diskutime mbi situatën politike në vend, sfidat e integrimit europian, si dhe çështje që lidhen me funksionimin e demokracisë dhe shtetit ligjor.

Në fokus do të jetë edhe përcaktimi i vijës së aksionit politik të PD-së, ndërsa pritet prezantimi i ndryshimeve statutore nga grupet e punës përkatëse. Në agjendë përfshihen platforma për digjitalizimin dhe modernizimin e partisë, si dhe organizimi i strukturave të saj në diasporë. Gjatë këtij Kuvendi do të zgjidhen edhe anëtarët e Këshillit Kombëtar. /CNA





Lajmet e fundit nga