web counter
LEXO PA REKLAMA!

SHKARKO APP

App Store
Google Play

E fundit!

x

Ankesat/ Meta: Kushtet e trajtimit të të paraburgosurve janë të njëjta në të gjithë vendin

29 Prill 2026, 14:22, Aktualitet CNA

Ankesat/ Meta: Kushtet e trajtimit të të paraburgosurve janë

Kreu i Partisë së Lirisë, Ilir Meta, pas vizitës së Klevis Balliut në IEVP “Jordan Misja” ka deklaruar se kushtet e konstatuara të trajtimit te “313” kanë të njëjtat problematika si në IEVP-të e tjera të vendit.

Në një reagim në rrjetet sociale, Meta nënvizoi se problematikat duhet të adresohen jo vetem te Komiteti Shqiptar i Helsinkit, por edhe në institucionet e tjera.

“Mirënjohje Nënkryetarit të Komisionit Parlamentar për Çështjet e Brendshme dhe Mbrojtjen, deputetit të Partisë Demokratike, Z. Klevis Balliu për këmbënguljen e tij të vazhdueshme për të inspektuar nga afër kushtet e trajtimit në IEVP "Jordan Misja".

E falenderoj për inspektimin që ju ka bërë të gjithë ambienteve të këtij institucioni, për interesimin që ka shprehur për t'u njohur me trajtimin dhe kushtet e të paraburgosurve të tjerë, si edhe për adresimin e drejtë të problematikave të konstatuara, jo vetem te Komiteti Shqiptar i Helsinkit, por edhe në institucionet e tjera, sepse besoj se kushtet e trajtimit të të paraburgosurve janë të njëjta në të gjithë vendin.

Në veçanti përshëndes iniciativën e Z. Balliu për të mbështetur krijimin e një biblioteke dinjitoze në IEVP "Jordan Misja", ku edhe unë do të jem kontributori i parë.

Gjithashtu e falenderova në veçanti Z. Balliu për solidaritetin, mbështetjen dhe thirrjen publike për domosdoshmërinë e një procesi të drejtë të bërë nga lideri i Partisë Demokratike dhe opozitës, Prof. Dr. Sali Berisha”, thekson Meta.

Meta tha se lidhur me procesin ndaj tij ka kërkuar që opozita të angazhohet vetëm për transparencën publike për shkak të profilit të lartë publik dhe llogaridhënie për shkak të tri funksioneve më të larta shtetërore që ka mbajtur.

“Lidhur me procesin ndaj meje kërkova që opozita të angazhohet vetëm për transparencën publike për shkak të profilit të lartë publik dhe gjithmonë në respekt të qytetarëve shqiptarë që meritojnë transparencë dhe llogaridhënie për shkak të tre funksioneve më të larta shtetërore që kam mbajtur, President i Republikës, Kryetar i Kuvendit dhe Kryeministër, si dhe angazhimin për t'u garantuar të gjithë gazetarëve të interesuar dhe që kanë marrë leje nga SPAK për të më intervistuar”, përfundon Meta./ CNA





Lajmet e fundit nga