web counter
LEXO PA REKLAMA!

SHKARKO APP

App Store
Google Play

E fundit!

x

Si u njoh me Laert Haxhiun?/ I penduari i drejtësisë dëshmon në GJKKO

29 Prill 2026, 09:45, Aktualitet CNA

Si u njoh me Laert Haxhiun?/ I penduari i drejtësisë dëshmon

Në Gjykatën e Posaçme po zhvillohet seanca gjyqësore ndaj Laert Haxhiut. Ky i fundit nuk është i pranishëm në seancë, ndërsa sot po jep dëshminë e tij i penduari i drejtësisë, Artan Tafani.

Ai ka rrëfyer para togave të zeza njohjen e tij me Laert Haxhiun dhe ka dëshmuar lidhur me disa ngjarje kriminale. Tafani ka treguar në seancë se është paguar 1 mijë euro nga Haxhiu për t'i vendosur një sasi tritoli banesës së Erjon Çokut në Lushnjë.

“Me Laertin jam njohur nga një çun nga Lushnja. Jemi takuar në Dajt nëpërmjet Lulzim Arapit, ai ma ka prezantuar. Laerti më ka thënë ‘ça di të bësh’, pasi ai kishte marrë informacion që unë kisha bërë vjedhje me dhunë. Herën e parë më ka dhënë 1 mijë euro. Më ka kërkuar Laerti t’i vendos një sasi tritoli në një banesë në Lushnjë, në pronësi të Erjon Çokut. Për këtë ngjarje kam takuar Laertin dhe më ka thënë se çfarë duhet të bëj. Tritolin e kisha unë, ma kishte dhënë Sajmir Krasniqi. Më ka dhënë Laerti 100 euro sa për lekë xhepi.

Nga Korça shkova direkt në Lushnjë dhe nga ora 2-3 e natës shkova e vendosa tritolin dhe u ktheva prapë në shtëpi. Në atë kohë flisja me Laertin dhe i thashë çfarë veprimesh bëra. Erjon Çoku ishte një person që shiste heroinë dhe e njihja se isha përdorues. Ky i kishte marrë Laertit mallin dhe nuk i kishte dhënë lekët. Besnik Çoku është vëllai i Erjonit, rrinte jashtë shtetit. Ishte hera e parë që bëja një gjë të tillë”, raportohet se është shprehur Tafani. /CNA

 





Lajmet e fundit nga