web counter
LEXO PA REKLAMA!

SHKARKO APP

Marrëveshja për sigurinë energjetike Shqipëri-SHBA-Greqi/ Guilfoyle: Përfiton i gjithë rajoni

28 Prill 2026, 14:42, Aktualitet CNA

Marrëveshja për sigurinë energjetike Shqipëri-SHBA-Greqi/

Ambasadorja e SHBA-së në Greqi, Kimberly Guilfoyle, ka mbajtur fjalën e saj në ceremoninë e nënshkrimit të marrëveshjes energjetike të Shqipërisë me SHBA-në dhe Greqinë.

Ambasadorja u shpreh gjatë fjalës së saj se Shqipëria ka një rëndësi të jashtëzakonshme strategjike për Ballkanin dhe Europën. Më tej shtoi se kur SHBA-ja, Shqipëria e Greqia punojnë së bashku, i gjithë rajoni përfiton.

"Nder që gjejmë këtu në Shqipëri, një partner i palëkundur i SHBA-së dhe vend me rëndësi të jashtëzakonshme strategjike për Ballkanin dhe Europën krah mikut tonë Edi Rama. Ka dy marrëveshje të rëndësishme që po nënshkruhen sot, marrëveshja 20 miliardë dollarëshe për gazin e lëngshëm natyror që tregon se Shqipëria po luan një rol në rritje si një ndërlidhës në Ballkanin Perëndimor. Forcimi i bashkëpunimit rajonal dhe ndihma për të formësuar një të ardhme më të sigurt për Europën Juglindore. Ky ndërveprim forcon sigurinë energjetike dhe kombëtare. Memorandumi i mirëkuptimit për vënien në veprimtari të një qendre thelbësore energjetike, përfshirë një impiant gazi, dëshmon rëndësinë që qeveria shqiptare i kushton energjisë së qëndrueshme në të mirë të qytetarëve", tha ambasadorja. /CNA





Lajmet e fundit nga