web counter
LEXO PA REKLAMA!

SHKARKO APP

App Store
Google Play

E fundit!

x

Apeli i GJKKO-së lë në fuqi vendimin për pafajësinë e ish-gjyqtarit Shkëlzen Selimi

28 Prill 2026, 11:51, Aktualitet CNA

Apeli i GJKKO-së lë në fuqi vendimin për

Apeli i Gjykatës së Posaçme ka lënë në fuqi vendimin e Shkallës së Parë që ka shpallur të pafajshëm ish-gjyqtarin Shkëlzen Selimi. Vendimi i sotëm u mor nga trupa gjykuese e përbërë nga gjyqtarët Engert Pëllumbi, Igerta Hysi dhe Dhimitër Lara.

Më 7 korrik të vitit të kaluar, GJKKO vendosi deklarimin e pafajshëm për akuzën e fshehjes së pasurisë, ndërsa ky vendim u ankimua nga SPAK-u.

Vendimi i plotë:

Gjykata e Posaçme e Apelit për Korrupsionin dhe Krimin e Organizuar, me trup gjykues të përbërë nga gjyqtarët Engert Pëllumbi (kryesues), Igerta Hysi (anëtare) dhe Dhimitër Lara (anëtar), sot më 28.04.2026, shpalli vendimin mbi çështjen penale nr. 12/77 akti, datë 24.12.2025 regjistrimi, mbi ankimin e Prokurorisë së Posaçme kundër Korrupsionit dhe Krimit të Organizuar, ndaj vendimit nr. 48, datë 07.07.2025 të Gjykatës së Posaçme të Shkallës së Parë për Korrupsionin dhe Krimin e Organizuar që ka deklaruar të pafajshëm të pandehurin Sh.S dhe vendosi:

Lënien në fuqi të vendimit nr. 48, datë 07.07.2025 të Gjykatës së Posaçme të Shkallës së Parë për Korrupsionin dhe Krimin e Organizuar.

Shpenzimet gjyqësore edhe për gjykimin në apel mbeten siç janë kryer. U shpall në Tiranë, më datë 28.04.2026.

Kujtojmë se në nëntor të vitit 2025, Gjykata Europiane për të Drejtat e Njeriut (GJEDNJ) vendosi se shkarkimi i ish-gjyqtarit të Gjykatës së Lartë, Shkëlzen Selimi, nga procesi i vetingut ishte i padrejtë. /CNA





Lajmet e fundit nga