web counter
LEXO PA REKLAMA!

SHKARKO APP

App Store
Google Play

E fundit!

x

Sistemi i apelit nën presion/ KLGJ pranon ngarkesën: Harta e Gjyqësorit mund të rishikohet

28 Prill 2026, 14:37, Aktualitet CNA

Sistemi i apelit nën presion/ KLGJ pranon ngarkesën: Harta e

Këshilli i Lartë Gjyqësor ka pranuar zyrtarisht se gjykatat në Shqipëri, veçanërisht ato të Apelit, po përballen me një ngarkesë të lartë çështjesh që po ndikon në vonesat e dhënies së drejtësisë.

Sipas institucionit, situata lidhet kryesisht me mungesën e gjyqtarëve dhe procesin e reformës në drejtësi, ndërsa sistemi vijon të jetë në një fazë transitore.

Në një reagim, KLGJ thekson se harta e re gjyqësore, e zbatuar pas riorganizimit territorial të vitit 2022, nuk është një strukturë e ngurtë. Ajo mund të rishikohet në vijim, në varësi të zhvillimeve në sistem, shpërndarjes së ngarkesës dhe kapaciteteve njerëzore.

Nga ana tjetër, KLGJ ka nisur procedurat për plotësimin e vakancave, ka shtuar fokusin te stafi ndihmës dhe ka planifikuar ndërhyrje në infrastrukturë. Gjithashtu, janë hartuar strategji konkrete për uljen e çështjeve të prapambetura gjatë viteve 2024–2027.

Institucioni nënvizon se stabilizimi i plotë i sistemit kërkon kohë dhe vazhdimësi reformash. Në këtë kuadër, rishikimi periodik i hartës gjyqësore shihet si një mjet i domosdoshëm për t’iu përshtatur realitetit dhe për të përmirësuar funksionimin e drejtësisë në vend./ CNA





Lajmet e fundit nga