E fundit!

11:13 Aktualitet

Eskortat e burgjeve në protestë/ Dalin emrat “VIP” që mbështesin tubimin

Prej disa ditësh, një valë e re protestash ka nisur duke m...

Pas denoncimit të CNA-së, IKMT zbret në terren/ Inspektorët nisin verifikimet për masakrën mjedisore te lumi i Tiranës

30 Prill 2026, 12:19, Aktualitet CNA

Vetëm pak orë pas denoncimit publik të bërë nga CNA, Inspektorati Kombëtar i Mbrojtjes së Territorit ka reaguar duke zbritur në terren për të verifikuar situatën alarmante në periferi të kryeqytetit.

CNA dokumentoi të mërkurën përmes pamjeve ekskluzive se si shtrati i lumit të Tiranës dhe hyrja e Rrugës së Arbrit janë shndërruar në landfille ilegale të dherave dhe inerteve nga subjekte të papërgjegjshme.

Kërdia me dherat po “mbyt” kryeqytetin/ Apel IKMT-së për të verifikuar masakrën mjedisore te lumi i Tiranës
29 Prill, 14:12
Masakër mjedisore/ Lumi i Tiranës "varroset" në inerte
29 Prill, 13:26

Burime për CNA-në bëjnë me dije se pas këtij aksioni të paligjshëm, konfirmohet se IKMT është angazhuar maksimalisht në kontrollin e këtij territori, i cili është kthyer në një plagë për Tiranën, për shkak të hedhjes pa kriter të mbetjeve ndërtimore.

Sipas qëndrimit të mbajtur nga institucioni, pas sinjalizimit të CNA-së, IKMT po angazhohet çdo ditë në kontrollin e territorit, me gjobitjen e subjekteve dhe me zbatimin e ligjit se ku duhet të shkojnë vërtet këto inerte dhe dhera, pasi kjo situatë është kthyer në një problematikë serioze prej kohësh.

Pas ndërhyrjes në terren, inspektorët kanë nisur punën për identifikimin e kamionëve dhe firmave të ndërtimit që shfrytëzojnë mungesën e kontrollit për të asgjësuar ekosistemin e zonës.

View this post on Instagram

A post shared by CNA.al (@cna.lajme)

CNA denoncoi një ditë më herët se ky krim mjedisor po bllokon rrjedhën natyrore të ujit dhe po shkatërron anët e rrugës, duke krijuar një katastrofë të vërtetë në hyrje të një aksi të rëndësishëm si Rruga e Arbrit./ CNA