web counter
LEXO PA REKLAMA!

SHKARKO APP

App Store
Google Play

E fundit!

x

Raporti i SIGMA-OECD/ Rama u kundërpërgjigjet kritikëve: Për ata që e përbaltën nga katër anët

30 Prill 2026, 12:43, Aktualitet CNA

Raporti i SIGMA-OECD/ Rama u kundërpërgjigjet kritikëve: Për

Kryeministri Edi Rama ka bërë me dije se Agjencia për Media dhe Informim e qeverisë ka marrë vlerësime pozitive sipas raportit të SIGMA-OECD.

Rama e ka ndarë këtë lajm si një kundërpërgjigje për ata që, sipas tij, e bombarduan dhe e përbaltën nga të gjitha anët.

“Deri dje e bombarduan dhe përbaltën nga të katër anët, ca nga brenda e ca nga jashtë, duke vënë kujën e duke harxhuar bojë kot, për raportet e tyre të pavarura jo vetëm nga qeveria, po edhe nga faktet…

Por ja që e vërteta qenkesh ndryshe, shumë ndryshe, sepse kjo Agjencia për Media dhe Informim e qeverisë, e pagëzuar në lindjen e saj me bombat e me baltën e pushtetit të katërt, luaka një rol krejt tjetër, e na qenka në shërbim cilësor të mediave dhe të publikut natyrisht.

Dhe këtë nuk po e them më unë. Nuk e thotë as qeveria e një vendi që targetohet rëndom dhe jo rrallë fare kuturu, për lirinë e shtypit. Këtë e thotë raporti i SIGMA-OECD, një ndër ato burime institucionale ndërkombëtare, reputacioni i fortë i të cilave është krijuar mbi respektin për faktet, jo mbi perceptimet, mbi analiza profesionale, jo mbi paragjykime arbitrare, mbi vlerësime objektive të të vërtetave, jo mbi amplifikime subjektive të gjysëm të vërtetave!

Urime MIA-s (Media and Information Agency) dhe përgëzime të gjithë skuadrës së saj, për këtë vlerësim të stërmerituar. E vërteta vonon, po nuk harron”, shkruan Rama./ CNA





Lajmet e fundit nga