web counter
LEXO PA REKLAMA!

SHKARKO APP

App Store
Google Play

E fundit!

x

Gara për kreun e PD-së/ Sela: Nëse demokratët duan figurë të papërlyer, të më votojnë

30 Prill 2026, 14:51, Aktualitet CNA

Gara për kreun e PD-së/ Sela: Nëse demokratët duan

Doktoresha Mereme Sela është një nga kandidatet që ka dorëzuar në selinë e PD-së aplikim për t'u bërë pjesë e garës për zgjedhjen e kreut të Partisë Demokratike.

Në një deklaratë për mediat ajo u shpreh se është pjesë e anëarësisë së PD-së që nga vit 2014, ndërsa tregoi se nuk ka pasur role drejtuese asnjëherë. Ndër të tjera tha se ka respekt për kryedemokratin Sali Berisha, por shtoi se nëse demokratët duan “një lider me figurë të papërlyer, le ta votojnë”.

“Role drejtuese nuk më janë dhënë asnjëherë. Unë garoj për kryetare të Partisë Demokratike dhe në qoftë se popullit i intereson shëndeti, arsimi, fëmija, jam një nga personat me gjithë background-in e duhur. Unë edhe në primaret në qarkun e Durrësit kam kërkuar që të gjithë kandidatët të prezantojnë programin e tyre. I kam lexuar kriteret. Kam shumë respekt për Doktorin sepse e kam koleg, profesor. Unë betejën e kam: nëse popullit dhe anëtarësisë i intereson një person me figurë të pastër, e papërlyer, pa asnjë lloj impakti për të gjithë shqiptarët, jam unë. Po të duan, le të më votojnë. Dy shtyllat kryesore janë shëndetësia dhe arsimi”, tha Sela.

Aplikimin e saj për të marrë pjesë në zgjedhjet për kryetar të PD-së e konfirmoi dhe Sekretari i Përgjithshëm, Flamur Noka. Ndërkohë, afati për dorëzimin e aplikimeve ishte ora 12:00 e ditës së sotme. /CNA





Lajmet e fundit nga