web counter
LEXO PA REKLAMA!

SHKARKO APP

App Store
Google Play

E fundit!

x

Pas Korçës, Hita në një tjetër qytet/ Zbardhen udhëzimet për drejtuesit e policisë

30 Prill 2026, 14:48, Aktualitet CNA

Pas Korçës, Hita në një tjetër qytet/ Zbardhen

Pas vizitës në Korçë, drejtori i Përgjitshëm i Policisë së Shtetit, Skënder Hita, zhvilloi një takim me drejtuesit vendorë të policisë në Elbasan.

Burime bëjnë me dije se gjatë takimit, Hita ka dhënë udhëzime të qarta për forcimin e masave kundër paligjshmërive, me theks të veçantë në goditjen e veprimtarive të lidhura me lëndët narkotike.

Një tjetër pikë e rëndësishme e diskutimit ishte edhe rritja e sigurisë në institucionet arsimore, ku drejtori ka kërkuar angazhim maksimal nga efektivët për garantimin e rendit dhe mbrojtjen e nxënësve.

Më herët, gjatë takimit në Korçë, Hita u dha porosi drejtorëve dhe shefave të komisariateve që të fokusohen te goditja e rasteve të kultivimit dhe shpërndarjes së lëndëve narkotike, po ashtu edhe tek evidentimi i personave që janë të përfshirë në grupe kriminale.

Një tjetër porosi lidhej edhe me armëmbajtjen pa leje si edhe me kontrollet që duhet të jenë të shtuara sidomos në institucionet arsimore dhe më gjerë, për të ruajtur rendin dhe sigurinë e qytetarëve.

Takimi vjen në kuadër të turit të tij në qarqe të ndryshme të vendit, me synim forcimin e punës së strukturave policore në terren./ CNA





Lajmet e fundit nga