web counter
LEXO PA REKLAMA!

SHKARKO APP

App Store
Google Play

Kontrolle në burgun e Durrësit/ Çfarë u sekuestrua

1 Maj 2026, 09:03, Aktualitet CNA

Kontrolle në burgun e Durrësit/ Çfarë u sekuestrua

Kontrolle janë kryer në burgun e Durrësit, ku, sipas informacioneve, janë sekuestruar tre celularë tip “iPhone”, të ndezur dhe funksionalë.

Kontrolli u zhvillua në orët e para të mëngjesit, me pjesëmarrjen e Forcave Speciale të Drejtorisë së Përgjithshme të Burgjeve.

Gjatë operacionit u ushtrua kontroll në ambientet e brendshme dhe të jashtme të institucionit.

Një prej celularëve i përkiste të paraburgosurit me inciale B.G.

“Në vijim të informacioneve të siguruara nga strukturat operative të IEVP Durrës dhe pas analizës së riskut, Drejtoria e Përgjithshme e Burgjeve ndërmori një aksion të befasishëm kontrolli në këtë institucion.

Kontrolli u zhvillua në orët e para të mëngjesit, në zbatim të Urdhrit Nr. 626, datë 07.04.2026, me pjesëmarrjen e Forcave Speciale të DPB.

Gjatë operacionit u ushtrua kontroll në ambientet e brendshme dhe të jashtme të institucionit.

Rezultatet e kontrollit:

U sekuestruan tre celularë tip “iPhone”, të ndezur dhe funksionalë.

Njëri prej tyre u gjet në posedim të të paraburgosurit me iniciale B.G.

Dy të tjerë, së bashku me një palë kufje “bluetooth”, u konstatuan pa autorë në ambientet e institucionit.

Veprimet e menjëhershme:

-U veçua i paraburgosuri B.G.

-U hartua raporti i incidentit.

-U mbajt procesverbali i bllokimit të sendeve të ndaluara.

Materialet iu referuan Specialistit të SHKB për veprime të mëtejshme hetimore.

Ky aksion është një tjetër dëshmi e vendosmërisë për të goditur çdo tentativë për cenimin e sigurisë në institucionet penitenciare.

Kontrollet do të vijojnë me intensitet të lartë në të gjitha IEVP-të në rang vendi. Zero tolerancë ndaj shkelësve”, thuhet në njoftim./ CNA





Lajmet e fundit nga