web counter
LEXO PA REKLAMA!

SHKARKO APP

App Store
Google Play

E fundit!

x

Fjalimi i kandidatit për ambasador në Shqipëri/ Meçollari: Çështjen e SPAK-ut e trajtoi jashtëzakonisht mirë

21 Maj 2026, 07:31, Aktualitet CNA

Fjalimi i kandidatit për ambasador në Shqipëri/ Meçollari:

Kapiteni Artur Meçollari i ftuar në emisionin “Now” me Erla Mëhillin ka komentuar fjalimin e kandidatit për ambasador të SHBA në Shqipëri, Eric Wendt.

Meçollari tha se të shumtë janë ata që shprehen se pse Wendt nuk e atakoi qeverinë, por duhet të kuptohet që detyra e tij është të punojë me qeverinë.

Më tej, kapiten Meçollari tha se Wendt nuk mund të vendosë barriera me qeverinë shqiptare pa ardhur zyrtarisht si ambasador.

Duke u ndalur te fjala e Wendt për drejtësinë, Meçollari u shpreh se kandidati për ambasador e trajtoi jashtëzakonisht mirë çështjen e SPAK-ut.

 

“Shumë njerëz që mendojnë që pse nuk e atakoi qeverinë. Duhet të kuptojmë, në përkufizim ambasadori është përfaqësuesi i presidentit të Shteteve të Bashkuara që punon me qeverinë që është në pushtet.

Pra, ai nuk mund të vendosë barriera me qeverinë pa ardhur ambasador sepse do të punojmë me qeverinë. Nga ajo që unë kuptova çështjen e SPAK-ut e trajtoi jashtëzakonisht mirë. Më pëlqeu mënyra si e trajtoi.

Kishte disa paqartësira ose kishte disa gjëra që nuk shkonin. Për shembull fakti që ai tha unë nuk kam dijeni për investimet e familjes Trump, domethënë kjo nuk shkon sepse në fakt çdo gjë që kërkon në web e gjen menjëherë, kjo ishte një mënyrë për të shmangur vazhdimin e pyetjes”, tha ai.





Lajmet e fundit nga