web counter
LEXO PA REKLAMA!

SHKARKO APP

App Store
Google Play

E fundit!

x

Topçiu: Reforma nuk duhet parë si zmadhim apo zvogëlim i numrit të bashkive

20 Maj 2026, 19:23, Aktualitet CNA

Topçiu: Reforma nuk duhet parë si zmadhim apo zvogëlim i numrit

Kryetari i Bashkisë së Maliqit, Gëzim Topçiu, ka deklaruar në Komisionin për Reformën Territoriale se reforma administrative-territoriale duhet të vlerësohet në bazë të ecurisë së bashkive, financave dhe kompetencave që ato ushtrojnë, dhe jo vetëm në aspektin e zgjerimit apo zvogëlimit të territoreve.

Ai u shpreh se reforma ka qenë e nevojshme dhe se gjatë kësaj periudhe është vënë re një rritje e financave vendore. Sipas tij, analiza e të ardhurave dhe shpenzimeve është thelbësore për të kuptuar efektivitetin e saj.

Ai theksoi gjithashtu se bashkia ka ruajtur shërbimet bazë edhe në ish-komuna, në mënyrë që qytetarët të mos detyrohen të lëvizin kilometra të tëra për të marrë shërbime publike.

Sipas tij, edhe investimet kanë shënuar rritje, duke përmendur ndërhyrje në infrastrukturë rurale.

Topçiu shtoi se reforma nuk duhet parë thjesht si çështje zgjerimi apo reduktimi të njësive vendore, por si një proces që lidhet me shpërndarjen e kompetencave dhe mbështetjen financiare.

Ai nënvizoi se disa funksione, si mirëmbajtja e rrugëve rurale, menaxhimi i pyjeve dhe kullotave, si dhe sistemet e ujitjes dhe kullimit, mbeten ende sfidë për bashkitë për shkak të mungesës së mbulimit të plotë financiar.

“Reforma duhej bërë. Duhet parë si ka qenë ecuria e cdo bashkie. Ka një rritje të financave vendore. Po s’u panë të ardhurat, shpenzimet nuk kemi ç’diskutojmë për reformën. Ne kemi ruajtur shërbimet bazë që kanë të bëjnë me ish-komunat që qytetarët të mos lëvizin me kilomtera të tëra për të marrë një shërbim.

Për investimet niveli i tyre ka partur rritje. Në të gjitha njësitë kemi realizuar 4-5 rrugë asfaltime për çdo fshat që nuk ishin parë nga ish-komunat.

Unë mendoj se reforma nuk duhet parë zmadhim apo zvogëlim bashkish por si kompetenca dhe mbulim financiar dhe kompetencat që ka pushteti vendor. E rëndësishme është që një funksion të mbulohet financiarisht.

Kemi disa funksione nuk i mbulojmë sic do donim rrugët rurale pyjet dhe kullotat, ujitje kullimi, kanalet etj”, tha Topçiu./ CNA





Lajmet e fundit nga