web counter
LEXO PA REKLAMA!

SHKARKO APP

App Store
Google Play

SHBA mbështet SPAK/ Wendt: Efektiv në luftën kundër korrupsionit

20 Maj 2026, 17:27, Aktualitet CNA

SHBA mbështet SPAK/ Wendt: Efektiv në luftën kundër

Eric Wendt, i nominuari i presidentit të SHBA-së, Donald Trump po raporton para Senatit Amerikan. Gjatë përgjigjeve të tij për pyetjet nga Senati, Wendt vlerësoi punën e Strukturës së Posaçme Kundër Korrupsionit dhe Krimit të Organizuar.

Ai u shpreh konkretisht se SPAK është një institucion shumë i vlefshëm dhe i pavarur. Gjithashtu theksoi se është një strukturë efektive në luftën kundër korrupsionit.

"Nga gjithçka që kam lexuar, SPAK në Shqipëri është një institucion shumë i vlefshëm dhe i pavarur. Prokurorët që punojnë aty i nënshtrohen procesit të vetingut. Unë nuk jam familjar me këto investime të familjarëve të presidentit Trump. Unë di punën time si një ambasador amerikan që të mbështes bizneset amerikane dhe nëse këto kompani apo sektorë ndjekin rregullat dhe ligjeve. Dhe kjo është detyra ime dhe sa i takon çështjes së korrupsionit, i bashkohem mendimit që SPAK, ka qenë një strukturë efektive. Duhet të jem në terren ta kuptoj mirë se çfarë po ndodh atje. Duam që çdo biznes të ketë mundësi të barabarta për biznes në Ballkan", tha Wendt. 

Më herët gjatë raportimit Wendt deklaroi se nëse ai do të zgjidhet ambasador i SHBA-së në Tiranë, një ndër linjat e tij kryesore do të jetë mbështetja ndaj institucioneve të drejtësisë në luftën kundër korrupsionit dhe krimit të organizuar.

Kjo është një përgjigje e qartë për mediat e kryebashkiakut të arrestuar të Tiranës Erion Veliaj, që e mbështesin dhe bëjnë propagandë dhe sulme ndaj drejtësisë. Qartazi politika e SHBA është lufta kundër korrupsionit dhe zyrtari me 9 akuza për korrupsion është kryebashkiaku Erion Veliaj. /CNA





Lajmet e fundit nga