web counter
LEXO PA REKLAMA!

SHKARKO APP

App Store
Google Play

E fundit!

x

"Ferr-Albania" sërish nuk punon!

20 Maj 2026, 13:10, Aktualitet CNA

Telashet nuk kanë të sosur për bizneset, që nuk po gjejnë qetësi as pasi e-Albania prezantoi faqen e re, që supozohej të ishte më funksionale dhe me teknologji të avancuar.

Ekonomistët raportojnë që shumë shërbime nuk arrijnë t'i kryejnë online, ose sistemi punon me hope, duke u kthyer në një stres të vërtetë për financierët, që duhet të shpenzojnë kohë nga jeta e tyre private për të mbaruar një punë që normalisht duhet të zgjaste vetëm pak minuta.

Te platforma e faturave nuk futesh fare, thotë Erisa, ekonomiste. Nuk hapet as gjendja e arkës.

Bizneset e kanë të pamundur që të futen në e-Albania dhe të bëjnë aplikimin për përpunimin aktiv ose pasiv, që e aplikojnë kryesisht bizneset fason.

Nëse dikush do të marrë barrëlindjet, duhet të presë derisa ekonomisti i firmës të arrijë që bëjë aplikimin, pasi del gabim, siç duket në foto. E njëjta gjë edhe nëse do të marrësh raport disa ditë për arsye shëndetësore.

"Ferr-Albania" sërish nuk punon!
Nuk mund të shkarkosh as kartelën e pasurisë. Dhe për aplikimet për lejet me Agjencinë e Zhvillimit të territorit, ose Bashkinë nuk ka dritare për të ngarkuar dokumentet.

Kjo, shpjegojnë ekonomistët, ndodh në çdo lloj aplikimi për lejet, për njoftim punimesh, për aplikim akt kontrolli. Është e njëjta gjë si për aplikimet që janë në proces, po ashtu për aplikimet e reja që mund të hapësh.

Ekonomistët janë të shqetësuar se ndërsa nuk mund të ngarkosh asnjë dokument, ndërkohë skadon afati i ditëve që ke në dispozicion.

Një tjetër problem për ekonomistët që punojnë me shumë subjekte është se kur duan të dalin nga NIPT-i i një subjekti dhe të hyjnë te tjetri, edhe pse e mbyll platformën hapet i njëjti NIPT.

Teksa Agjencia Kombëtare për Shërbimin e Informacionit (AKSHI), që menaxhon e-Albania-n thotë se sistemi është në rregull, për financierët, kryerja e detyrave të tyre të përditshme është kthyer në një ferr të vërtetë, që nuk duket se po merr zgjidhje./Monitor.al





Lajmet e fundit nga