web counter
LEXO PA REKLAMA!

SHKARKO APP

App Store
Google Play

E fundit!

x

"Krijohen të ardhura të mëdha informale"/ Çollaku: Ka 100 telefonë në një burg të sigurisë së zakonshme

19 Maj 2026, 21:03, Aktualitet CNA

"Krijohen të ardhura të mëdha informale"/

Gazetari Basir Çollaku ka folur sot lidhur me korrupsionin dhe ndikimin e krimit në burgjet shqiptare.

Në një dalje televizive, Çollaku u shpreh se në një burg të sigurisë së zakonshme mund të ketë 100 telefona. Ai u shpreh se dërgimi i këtyre telefonave në burgje krijon të ardhura të mëdha informale.

Ndër të tjera shtoi se, kur të burgosurit kanë fuqi ekonomike dhe politike, gjendja nuk ndryshon edhe nëse ndryshohen vazhdimisht ministrat apo drejtuesit.

“Po më thoshte një mik, që merret me informacionet e drejtësisë, që në një burg të sigurisë së zakonshme, mund të ketë 100 telefona. Që bën 500 euro për ta çuar, 1000 euro për ta mbajtur, edhe shkon 100 mijë euro në muaj. Kush i merr këto?! Është edhe i pataksuar, nuk paguajnë taksa e TVSH këta. Qeveria çon një drejtor policie, një drejtor burgu, por kur këta të burgosurit, sidomos këta të krimeve të rënda, që janë në shtabe elektorale, kur ai ka shok ministrin, deputetin, kryetarin e bashkisë, shok elektoral, shok pushteti dhe shok biznesi, dhe kur këta kanë këtë fuqi ekonomike dhe politike çfarë do t’i bëjë drejtori i burgut dhe gardiani, që merr një rrogë komike atje. Nuk ndryshon kjo në mendimin tim, ndërro sa të duash ministra, ndërro sa të duash drejtorë policie”, tha gazetari. /CNA





Lajmet e fundit nga