web counter
LEXO PA REKLAMA!

SHKARKO APP

App Store
Google Play

E fundit!

x

“Do të çojmë një infermiere t’i masë tensionin”/ Hoxha: Ja si futen eskortat në burgje

19 Maj 2026, 15:32, Aktualitet CNA

“Do të çojmë një infermiere t’i masë

Gazetari Artan Hoxha ka folur sot lidhur me takimet që zhvillojnë të burgosurit me eskorta. I ftuar në "Euronews Albania", Hoxha u shpreh se kjo çështje po merr shumë vëmendje për shkak dhe të emrave që përfliten për këto takime speciale në burgje.

Ndër të tjera, ai shtoi se vajzat futen në burgje duke falsifikuar dokumentacionin, dhe duke u hequr si të afërm të të burgosurve. Sipas gazetarit, të burgosurit nuk trajtohen në mënyrë të barabartë.

“Në vetvete ajo është një lloj lajmi që merr shumë vëmendje, për shkak edhe të emrave që përfliten. Ajo është një marrëdhënie që kryhet midis dy palëve. Nuk është e ligjshme që dikush të futet aty në burg, por nuk të fusin dot me zor. Eskorta që shkon atje brenda, ka rënë dakord që të shkojë. Ka rënë dakord për miqësi, për shoqëri, për pagesë, kjo është tjetër punë, kryesisht në rastet më të mëdha me pagesë. Dhe këtë gjë ata e rregullojnë duke falsifikuar dokumentacionin. E bëjnë ose si të afërm, sepse ligji e ka përcaktuar qartë: ti do të takosh familjarët që i ke të tutë. Unë kam thënë herë të tjera që aty janë futur edhe si psikologe! Tani, forma se si ata e fusin… ata zgjedhin çfarë të duan. Nëse drejtori i burgut ka ‘bon sens’, ajo është thjesht çështje etikete. Po ai mund të thotë: ‘Do të çojmë një infermiere t’i masë tensionin se ka luhatje tensioni’. Ne kemi pasur punonjëse që ishin brenda aty që ngelën shtatzënë në burg, se s’përdorin as mjetet mbrojtëse. Tani, a ka shkelje? Po, ka shkelje të rregullores. Ata edhe në qeli, njëri ha krudo e tjetri ha ushqim burgu. Pra, nuk janë njësoj. Mes të barabartëve ka ca që janë më të barabartë. Pra, në qoftë se ti e lejon njërin, pamë palestrat atje, pra pamë burgun e Peqinit deri ku dhe kazanë rakie, janë kapur atje brenda. U vra një i dënuar me burgim të përjetshëm atje, në vendin që supozohej që ishte më i sigurti”, tha Hoxha. /CNA





Lajmet e fundit nga