web counter
LEXO PA REKLAMA!

SHKARKO APP

App Store
Google Play

E fundit!

x

"Ndryshe, por bashkë"/ Podcast-i më i ri në CNA TV nis transmetimin

19 Maj 2026, 12:38, Aktualitet CNA


Pritjes i erdhi fundi! CNA TV sjell duke nisur nga sot, 19 maj, në orën 17:00, podcast-in më të ri “Ndryshe, por bashkë”, një hapësirë e dedikuar neurodiversitetit, ku çdo histori ka vlerë dhe çdo zë dëgjohet.

I drejtuar nga terapistja Debora Zelaj, ky podcast vjen si një urë lidhëse mes prindërve, profesionistëve dhe të gjithë atyre që përballen çdo ditë me sfidat dhe bukurinë e neurodiversitetit.

Nga momenti i diagnozës, te rruga e terapisë, vështirësitë e përditshme, sfidat emocionale dhe sukseset e vogla që bëhen fitore të mëdha, “Ndryshe, por bashkë” do të sjellë biseda të sinqerta, eksperienca reale nga prindër dhe këshilla nga specialistë të fushës.

Çdo të martë, në orën 17:00, në CNA TV, do të hapet një dritare e re komunikimi dhe mbështetjeje për familjet që shpesh ndihen vetëm në këtë rrugëtim.

“Ndryshe, por bashkë” nuk është thjesht një podcast, por një komunitet ku mirëkuptimi, informimi dhe mbështetja bëhen bashkë, për t’u kujtuar të gjithë prindërve se nuk janë vetëm.

“Ndryshe, por bashkë” në CNA TV, sepse të jesh ndryshe nuk do të thotë të jesh vetëm. /CNA





Lajmet e fundit nga