web counter
LEXO PA REKLAMA!

SHKARKO APP

App Store
Google Play

Arrestimi i efektivit në Sarandë/ Prokuroria jep detaje

20 Maj 2026, 09:43, Aktualitet CNA

Arrestimi i efektivit në Sarandë/ Prokuroria jep detaje

Prokuroria e Sarandës ka bërë një njoftim zyrtar në lidhje me ndalimin e efektivit E. R. mbrëmjen e djeshme.

Në njoftimin e bërë prokuroria bën me dije se ndalimi i efektivit u bë në vijim të hetimeve dhe ndalimit të dy shtetasve të cilëve gjatë kontrolit në automjet u janë gjetur doza kanabisi.

Gjatë hetimeve të këtij rasti, lindën dyshime për përfshirjen e efektivit që hetonte rastin në këtë ngjarje.

 

 

Njoftimi

 

Hetimet e Prokurorisë Sarandë për një çështje për ‘Prodhimin e shitjen e narkotikëve’ çojnë në ndalimin e oficerit të policisë, i dyshuar për përfshirje në korrupsion pasiv

Një oficer i policisë gjyqësore në Sarandë, shtetasi E.R., është ndaluar me kërkesë të Prokurorisë pranë Gjykatës së Shkallës së Parë të Juridiksionit të Përgjithshëm, Sarandë, i dyshuar për veprën penale ‘Korrupsioni pasiv i personave që ushtrojnë funksione publike’, parashikuar nga neni 259/2 i Kodit Penal.

Ndalimi u krye në vijim të hetimeve për procedimin penal nr.305, datë 19.05.2026, i regjistruar për veprën penale te “Prodhimi dhe shitja e narkotikeve” parashikuar nga neni 283/2 i Kodit Penal në ngarkim të shtetasve K.D. dhe A.Z., pasi në automjetin e drejtuar nga shtetasi A.Z., u gjetën dhe sekuestruan 24 doza me lëndë të dyshuar narkotike cannabis sativa. Këta shtetas u arrestuan në flagrancë dhe hetimet po vijojnë.

Gjatë hetimit të këtij rasti, lindën dyshime per përfshirje në veprimtari të kundraligjshme nga oficeri i policisë gjyqësore, që po hetonte rastin në fjalë, shtetasi E.R.

Për rrjedhojë, nga ana e prokurorit të gatshëm, u kryen veprime hetimore, nga ku rezultuan të dhëna për përfshirjen e oficerit që heton çështjen në vepime të dyshuara korruptive dhe ndaj tij u procedua me urdhër për ndalimin e të dyshuarit për një krim per veprën penale te “Korrupsioni pasiv i personave qe ushtrojnë funksione publike” prashikuar nga neni 259/2 i Kodit Penal.

Oficeri i policisë gjyqësore është ndaluar nga shërbimet e AMP dhe hetimet po vijojnë.





Lajmet e fundit nga