E fundit!

12:36 Politikë

“Ehu, muhabet l*shi”/ Manja dhe Gjiknuri, përplasje në mbledhjen e Komisionit të Ligjeve

Mbledhja e zhvilluar këtë të martë në Komisionin për Çësht...

Aksioni "fasadë"/ Trotuaret e Tiranës mbeten të zaptuara

20 Maj 2026, 09:08, Aktualitet CNA

Ky është realiteti fizik në rrugët e Tiranës, ku lëvizja e lirë e këmbësorëve mbetet një sfidë e përditshme. Trotuaret, të cilat ligjërisht duhet të jenë në shërbim të publikut, janë kthyer sërish në hapësira të privatizuara nga bizneset private. Çdo metër katror i liruar muaj më parë është ripushtuar sapo vëmendja e institucioneve është zhvendosur.

Aksioni "fasadë"/ Trotuaret e Tiranës mbeten të

Në verën e vitit 2025, kryeministri Edi Rama shpalli me bujë një nismë mbarëkombëtare për spastrimin e hapësirave publike, akseve lokale dhe nacionale nga zaptimi. Operacioni u shoqërua me premtime për zero tolerancë dhe me paralajmërimin se loja "macja me miun" mes bizneseve dhe shtetit kishte përfunduar.

Aksioni "fasadë"/ Trotuaret e Tiranës mbeten të

Por pamjet aktuale dëshmojnë të kundërtën, bizneset thjesht pritën që vala e parë e inspektimeve të kalonte për t'u rikthyer në pikën e nisjes. Në një deklaratë të bërë në fund të marsit, edhe Kryeministri Rama pranoi sfidat e këtij procesi, duke e cilësuar atë si një luftë të gjatë me mentalitetin.

"Vazhdon me këmbëngulje lirimi i hapësirave publike dhe imponimi i një statusi të ri të hapësirës publike. Nuk është e lehtë. Është lufta me një mentalitet të rrënjosur, mesa duket ende më thellë sesa këto 30 e kusur vite. Në ndërkohë që procesi, siç e kam thënë qysh në krye të herës, mbasi kemi fituar mandatin e katërt, nuk është një proces i përkohshëm, nuk është një aksion i një jave, një muaji, dy muajsh, por është një angazhim i vazhdueshëm për të rivendosur rregullin në përdorimin e hapësirave të përbashkëta. Vetëm në Tiranë, ku janë identifikuar shumë problematika që lidhen me zaptime hapësirash publike, janë çliruar 140 mijë metra katrorë, që nuk janë pak, ndërsa në zona si për shembull, zona këtu në qendër, janë ndërmarrë edhe ndërhyrje shumë të forta për të siguruar çlirimin e hapësirave publike", tha Rama.

Për të dokumentuar aksionet, qeveria krijoi edhe portalin "Hapësira Ime Publike", një platformë digjitale ku numërohen statistikat e suksesit. Por të dhënat e këtij portali po rezultojnë të vlefshme vetëm në letër.

Aksioni "fasadë"/ Trotuaret e Tiranës mbeten të

Ndërsa instrumenti virtual raporton hapësira të çliruara, realiteti në terren konfirmon se pa një monitorim sistematik, çdo nismë mbetet thjesht një fushatë e përkohshme propagande në kurriz të sigurisë së qytetarëve.