E fundit!

11:38 Aktualitet

Dalin mesazhet/ Deputetët e PD-së kundër bojkotit të seancës në Kuvend

Vendimi i Partisë Demokratike për të mos marrë pjesë në se...

Kalemaj “shuplakë” avokatit të pandehur të Veliajt: Bredh studio më studio për të bërë mbrojtje publike

19 Maj 2026, 22:01, Aktualitet CNA

Kalemaj “shuplakë” avokatit të pandehur të Veliajt:

Politologu Ilir Kalemaj ka deklaruar se kryebashkiaku i arrestuar me 13 akuza për 5 vepra të rënda penale Erion Veliaj njihet për favoret që bënte në media qoftë drejtpërsëdrejti, qoftë me ushtrim mbi 80 persona të punësuar në Bashkinë e Tiranës në role të ndryshme për mbulim mediatik.

I ftuar në emisionin "A Krasta Show" Kalemaj ka kritikuar faktin që avokati i pandehur i Veliajt, Plarent Ndreca bredh studio më studio për të bërë mbrojtje publike ndërkohë që mbrojtja bëhet në sallën e gjyqit.

Ai është shprehur se avokatin e paguan të bëjë mbrojtjen në gjyq dhe jo në studiot televizive.

Kalemaj ka deklaruar se Veliaj edhe nga burgu vijon të bëjë marketingun duke përdorur mediat.

“Avokati i tij bredh studio më studio duke bërë mbrojtje publike, ndërkohë që ka një çështje të tij në SPAK, dhe ndërkohë që çështja mbrohet në sallën e gjyqit. Pra, atje e paguan avokatin të të mbrojë në sallën e gjyqit, jo të mbrojë në studiot televizive. E treta është kjo që ju sapo përmendët që zoti Veliaj njihej për favoret që bënte shpesh në botën e medias, qoftë drejtpërsëdrejti, qoftë me ushtrim mbi 80 persona të punësuar në Bashkinë e Tiranës në role të ndryshme për mbulim mediatik, sepse një person që punon me lopatë ka nevojë për tre fotografë, dy zëdhënësa dhe tre kameramanë, në mënyrë që të pasqyrohet qartë puna e tij. Dhe në këtë sens, vazhdon ky marketing edhe prej, prej burgu në këto momente, ndërkohë që Tirana është e keqqeverisur, Tirana nuk po qeveriset.

Tirana ku jetojnë sot gati gjysma e Shqipërisë dhe është gjysma e ekonomisë së vendit, është një fjetore gjigande e cila nuk garanton as funksionalitetet bazë të jetesës së një njeriu, as ajrin e pastër, as inceneratorin që s'ka filluar lopata e parë dhe shtyn akoma më tej afatet, as malin e Sharës që konkuron me malin e Dajtit, as ujin e papijshëm që është premtuar të paktën nja pesë-gjashtë herë në çdo palë zgjedhje lokale apo të përgjithshme që do jetë 24 orë”, tha Kalemaj./ CNA