web counter
LEXO PA REKLAMA!

SHKARKO APP

App Store
Google Play

Lejuan ndërtimet pa leje/ Caktohen masat e sigurisë për shefin dhe specialistët e krimeve në komisariatin e Sarandës

20 Maj 2026, 14:09, Aktualitet CNA

Lejuan ndërtimet pa leje/ Caktohen masat e sigurisë për shefin

Prokuroria e Sarandës ka caktuar masat e sigurisë ‘arrest me burg’ dhe ‘arrest në shtëpi’ për ‘Shpërdorim detyre’ për shefin e policisë dhe specialistët e krimeve në Komisariatin e Sarandës, pasi lejuan kryerjen e ndërtimeve pa leje në këtë qytet dhe në Ksamil.

Për rrjedhojë, me kërkesë të Prokurorisë pranë Gjykatës së Shkallës së Parë të Juridiksionit të Përgjithshëm Sarandë, gjykata vendosi caktimin e masave të sigurimit si më poshtë:

Caktimin e masës së sigurimit ‘arrest në burg me afat 30 ditë’ për shtetasin G. B.;

Caktimin e masës së sigurimit ‘arrest në burg me afat 30 ditë’ për shtetasin R.Ç.;

Caktimin e masës së sigurimit ‘arrest në shtëpi’ për shtetasin A.D.; dhe

Caktimin e masës së sigurimit ‘arrest në shtëpi' për shtetasin A.I.

Pas administrimit të materialit referues, nga ana e Prokurorisë pranë Gjykatës së Shkallës së Parë të Juridiksionit të Përgjithshëm Sarandë u kryen veprimet hetimore dhe u paraqit kërkesa për vlerësimin e ndalimit dhe caktim të masave të sigurimit.

Nga provat e administruara deri më sot, prej 2792 fletësh, rezultuan disa objekte të ndërtuara për të cilat subjektet nuk janë pajisur me leje ndërtimi nga organet kompetente, objekte të cilat nuk janë evidentuar nga ana e strukturave të Komisariatit të Policisë Sarandë, duke u lejuar vijimi i ndërtimeve në disa raste deri në përfundimin e plotë të tyre./CNA





Lajmet e fundit nga