web counter
LEXO PA REKLAMA!

SHKARKO APP

App Store
Google Play

Muçollari: Në Seul po çmenden me arritjet e Ramës, në Tiranë nuk marrin dot një vërtetim

20 Maj 2026, 17:47, Aktualitet CNA

Muçollari: Në Seul po çmenden me arritjet e Ramës,

Anëtari i Kryesisë së PD-së, Grigels Muçollari ka bërë një reagim në rrjetet sociale lidhur me deklaratat e kryeministrit Edi Rama gjatë vizitës në Korenë e Jugut.

Muçollari shprehet se propaganda e Ramës është shumë larg realitet me të cilin përballen qytetarët në Shqipëri.

Ai shton më tej se e-Albania ku kryhen shërbimet bazike është jashtë funksionit dhe se çdo ditë qytetarët nuk bëjnjë pagesa dhe rrezikojnë të penalizohen nga kalimi i afateve.

Postimi i plotë:

Në Seul po çmenden me arritjet e Edi Ramës, po në Tiranë nuk marrin dot një vërtetim...

Sipas propagandës Edi Rama paska xhelozuar Seulin e zhvilluar e modern, me sukseset teknologjike që ka arritur qeveria e tij.

Mirëpo, e-albania ku janë shërbimet bazike nuk funksionon. Me qindra raste raportohen çdo ditë, ku qytetarë, profesionistë, kontabilistë, biznese, nuk shkarkojnë dot një faturë e nuk kryejnë dot punë, nuk bëjnë dot një pagesë dhe kështu rrezikojnë t? penalizohen pasi afatet kalojnë.

Dhe kjo, 3 ditë pasi ishte restauruar dhe ishte rikthyer platforma siç u tha në gjendje më të mirë. Në Seul po behet nami, po këtu njerëzit s'po marrin dot një shërbim të thjeshtë.

Kur propaganda ka diferencë kaq të llahtarshme me realitetin, ajo kthehet si rregull në bumerang. Çdo porosi nga Gëbelsi e kendej ka qënë që t? tilla mburrje e fryrje publicitare duhet patjetêr të bazohen në sado pak fakte.

Këta e kanë tejkaluar edhe në këtë sektor çdo normë. Pra abuzimit me ligjin, me financat tani duhet t'i shtojnë dhe abuzimin e rëndë me propagandën. /CNA





Lajmet e fundit nga