web counter
LEXO PA REKLAMA!

SHKARKO APP

App Store
Google Play

E fundit!

x

Raportimi i Eric Wendt para Senatit/ Hoxha: Tregoi se puna e tij do të përqendrohet te lufta ndaj korrupsionit

20 Maj 2026, 21:16, Aktualitet CNA

Raportimi i Eric Wendt para Senatit/ Hoxha: Tregoi se puna e tij do të

Gazetari Artan Hoxha ka komentuar mbrëmjen e sotme raportimin e kandidatit të SHBA-së për ambasador në Shqipëri, Eric Wendt para Senatit Amerikan.

I ftuar në “Now me Erla Mëhillin”, Hoxha tha se me fjalimin e tij, Wendt, një gjeneral në pension, vendosi piketat aty ku do të jetë e përqendruar puna e tij, në luftën kundër korrupsionit.

Ai u shpreh gjithashtu se SPAK është aleati në terren i interesave që ka SHBA për të goditur narkotrafikun në të gjithë globin, sidomos në vendet aleate të tyre.

“Dëmi që ka pësuar SHBA nga narkotikët është i jashtëzakonshëm. Ai përmend SPAK-un se ne kemi krijuar logjistikën e plotë për të kryer operacione kundër narkotrafikut që përbëjnë shqetësim global. SPAK është aleati në terren i interesave që ka SHBA për të goditur narkotrafikun në të gjithë globin, sidomos në vendet aleate të tyre. Ai nuk mund të lejojë në vend si Shqipëria ku planifikon të investojë, ku ka plane ta përfshijë në interesat amerikane apo ka baza operacionale të NATO-s të përfshihet narkotrafiku. Kjo nuk mund të fshihet më. Sot jemi në fazën që paratë u merren qytetarëve europianë dhe futen në Shqipëri.

Ai vuri piketat ku do të jetë e përqendruar puna e tij në mbrojtje të interesave të SHBA-së dhe qytetarëve amerikanë. Ne nuk e fshehim më dot se ka korrupsion dhe prani krimi. Me këtë ambasador nuk mund të luhet më me dy porta. Ai e ka mbyllur ca kishte për të bërë dhe do të lërë një emër të mirë. Do të kemi një ambasador që do të mbrojë interesat e amerikanëve por dhe të Shqipërisë. Ne pa Amerikën e kemi të vështirë të mbijetojmë në këtë territor kaq të trazuar dhe më këto armiq kaq të egër”, tha Hoxha. /CNA





Lajmet e fundit nga