E fundit!

10:46 Aktualitet

Skenarët e Erion Veliajt në protestën për Zvërnecin

Një protestë që parullën ka “Zvërnec”, por po t’i heqësh e...

Dyshohet se u vra nga një bandë kriminale/ Nëna e Renato Hamzës tregon bisedën me të birin: Po vija një loto...

7 Nëntor 2022, 19:47, Aktualitet CNA

Dyshohet se u vra nga një bandë kriminale/ Nëna e Renato

Pak ditë më parë në fshatin Babje të Librazhdit, policia dhe një grup mjekësh ligjorë, kryen zhvarrosjen e eshtrave, që dyshohet se i përkasin këngëtarit nga Elbasani, Renato Hamza.

I riu është shpallur i zhdukur në vitin 2014.

Nëna e tij Silvana Hamza, ka pranuar se eshtrat e gjetura i takojnë të birit, pavarësisht se analizat e ADN-së nuk janë marrë ende, e me lot në sy tregoi se pritja për të ka qënë e gjatë që nga viti 2015, kur banorët e zonës treguan se në Babje të Librazhdit është gjetur një kufomë e skeletizuar.

Prokuroria e Elbasanit asokohe dha urdhër që kufoma të zhvendosej në varrezat e qytetit si varr pa emër.

’Ai trup është gjetur që në vitin 2015 dhe unë kam dyshuar që në fillim, madje bëra dhe analizën e AND-së. Deri më sot shefi i krimeve dhe prokurorët thjesht dhanë urdhër që të varrosej, edhe pse pa u identifikuar. Unë nuk jam eksperte të verifikoj eshtrat, por ata nuk më dhanë kurrë një përgjigje’- tha Silvana Hamza në “Pa Gjurmë”.

Organet gjykuese dyshojnë se i riu u vra, pasi mendohet se ka qenë rastësisht i pranishëm në një skenë krimi, gjatë një larje hesapesh mes bandave të qytetit.

Më tej ajo ka treguar bisedën e saj me të birin pas vrasjes që ndodhi në Shijak.

"Renato ishte në atë lokal në Shijak, aty ku ndodhi vrasja, pasi kishte hyrë për të blerë një loto. Ai më pati pohuar me gojën e vet se: 'Mami atë ditë bleva një loto në lokal në Shijak dhe më pas u bë një vrasje’. Ku i morën informacionet që Renato ishte informatori? Pse nuk ma thërritën djalin në atë kohë në polici? Pse?

Pas zhdukjes së djalit ne na erdhën disa telefonata anonim të koduara. Aty thuhej se djalin e gjeni mes Librazhdit dhe Pogradecit. Më duket se po ndodh kështu dhe kam frikë se këto eshtra i përkasin djalit tonë Renatos. Kjo, pasi skeleti është gjetur në dalje të Librazhdit, siç edhe na udhëzonin mesazhet e koduara më parë. Tani që mësova të gjitha këto, ata më kanë telefouar atë ditë fill pasi groposën djalin. Më kujtohet kur me thonin në telefon: 'Mos e kërko djalin, e ke mes Librazhdit dhe Pogradecit'. Dhe im bir është groposur që në vitin 2014. Pse nuk e zbuluan këtë të vërtetë, apo nuk kishte interes policia e Elbasanit në atë kohë"- shpërtheu në lot nëna./CNA.al