web counter
LEXO PA REKLAMA!

SHKARKO APP

App Store
Google Play

PS, thirrje Krajës/ SPAK-u të nisë hetimin për financimin rus në PD

7 Nëntor 2022, 11:43, Aktualitet CNA

PS, thirrje Krajës/ SPAK-u të nisë hetimin për financimin

PS ka përsëritur kërkesën që të hetohet lobimi rus në PD.

Kreu i PS-së, Taulant Balla, i ka bërë thirrje Arben Krajës që urgjent të thirren Basha-Berisha që kanë ngjyer gishtat dhe xhepat e PD-së në çorbën e rublave ruse.

“Nënqeshnit kur ne ju tregonin që PD-ja ka marrë financime ruse dhe kur shërbimi sekret amerikan, CIA, me dokumente konfirmoi që PD-ja ka marrë financime ruse. Kjo çështje nuk është më një çështje për të pasur dyshime. Në një vend anëtar të NATO-s keqardhja ime më e madhe është që ende SPAK-u nuk ka filluar një hetim se si një parti politike ka përfunduar në borderotë e Kremlinit. I bëj thirrje Krajës që për çështje të sigurisë kombëtare kjo prokurori të nisë menjëherë këtë çështje. Urgjent të thirren Basha-Berisha që kanë ngjyer gishtat dhe xhepat e PD-së në çorbën e rublave ruse. I bëj thirrje çdo demokrati të këtij vendi, që në këto kushtet që na duhet sa më shumë solidaritet me Kosovë, të heqë dorë nga shpërdorimi i saj çfarë ka mbetur nga PD-ja për interesat e ngushta të një individi”, është shprehur Balla./CNA.al





Lajmet e fundit nga