web counter
LEXO PA REKLAMA!

SHKARKO APP

App Store
Google Play

E fundit!

x

Kërcënon Kovaçi/ “Do të bojkotojmë provimet në shkurt”

7 Nëntor 2022, 10:37, Aktualitet CNA
Kërcënon Kovaçi/ “Do të bojkotojmë provimet
Kreu i sindikatës së pedagogëve, Sandër Kovaçi

Kreu i sindikatës së pedagogëve, Sandër Kovaçi, ka kërcënuar se nëse nuk pranohen kërkesat e tyre, deri në muajin shkurt do të ketë bojkot të provimeve.

Kovaçi justifikoi braktisjen e protestës nga pedagogët duke thënë se ishte një presion nga qeveria.

“Dua të denoncoj faktin që 3 universitete kanë premtuar që do financojnë 8%. Ne jemi për 30%. Në Shkodër është miratuar 2%. Ky është skandal. Nuk ka asnjë shans që të parashikojë financimin e 8% shtesë. Ne jemi që ky 8% s’duhet të jepet nga universitetet. Nuk ka asnjë mundësi që të financohen pagat e pedagogëve. Shumë shpejt do të dëgjohemi se çfarë do të ndodhë me këtë 8%.

Nëse deri në shkurt nuk finalizohen kërkesat tona, do ketë bojkot të provimeve. Erdhi situata e nevojës për të mos dëmtuar procesin arsimor, nuk kishte kuptim për bojkot më shumë se 3 javë. Zëvendësimi i 3 javëve nuk ka asnjë problem. Qëndrimi ndaj qeverisë nuk është zbutur. Do ketë bojkot më të plotë në rast se nuk reagon qeveria”, tha Kovaçi.

Kujtojmë se prej tetorit, kur pedagogët kanë hyrë në protestë, studentët kanë bërë mësim të pjesshëm.

Kjo në fakt është një kosto për studentët, jo vetëm nga ana e procesit mësimor, për orët e humbura që do të duhet të plotësojnë por edhe për kostot, duke mos harruar se shumë prej studentëve vijnë nga rrethet./ CNA.al





Lajmet e fundit nga