web counter
LEXO PA REKLAMA!

SHKARKO APP

App Store
Google Play

Majko i “tërheq” veshin Ministrisë së Financave/ “Krijoni infrastrukturë për votën e emigrantëve”

7 Nëntor 2022, 12:46, Aktualitet CNA
Majko i “tërheq” veshin Ministrisë së Financave/
Deputeti i Partisë Socialiste, Pandeli Majko

Deputeti i Partisë Socialiste, Pandeli Majko, ka shprehur rezervat e tij në lidhje me çështjet financiare që prekin votimin jashtë vendit për emigrantët.

Majko theksoi se votimi jashtë vendit kërkon infrastrukturë plotësuese, duke shtuar se Ministria e Financave dhe KQZ duhet të ndërhyjnë që procesi të mos bllokohet për shkaqe financiare, duke e kthyer më pas çështjen në politike.

“Më vjen çudi që nuk ka pasur rakordim nga Ministria e Financave për të shtuar një drejtori të veçantë. Kjo duhet të ishte parashikuar. Mos e vini Komisionin në pozicion të vështirë. Duhet të shtohet fondi i pagave për këtë strukturë. KQZ, pas miratimit të kësaj drejtorie do të zbatojë dhe udhëtimin për votimin jashtë vendit. Kjo do të mendohet që tani që të kemi një buxhet të ndarë në faza, që mos të na bjerë si ‘bombë’. Procesi teknik kërkon procedurë tjetër. Ndaj Ministria dhe KQZ duhet të vijojnë me fazat për emigrantët, që mos të themi se e kemi të drejtën e votimit, por s’kemi mundësi financiare. Kërkohet organizim më i mirë financiar mes Ministrisë së Financave, dhe KQZ. Kjo pasi rrezikohet që çështja të kthehet në çështje politike”, tha Majko./ CNA.al





Lajmet e fundit nga