web counter
LEXO PA REKLAMA!

SHKARKO APP

App Store
Google Play

Dy të vërteta për prokurorin e SPAK, Dritan Prençi

8 Dhjetor 2025, 22:00, Aktualitet CNA

Dy të vërteta për prokurorin e SPAK, Dritan Prençi

Sot në media dolën disa përgjime të Arbër Avramit në lidhje me komunikimet me deputetin e PD-së, Belind Këlliçi. Prokurori i çështjes është Dritan Prençi. Ka dy të vërteta në lidhje me Dritan Prençin.

E para, është dosja e inceneratorëve që “ka vdekur”. Dhe këtë e ka bërë Dritan Prençi, pa folur që do ta "varrosë" komplet dosjen, duke e faturuar vetëm tek Lefter Koka, pa shkuar te kryetari i Bashkisë së Tiranës, të cilit po i shërben ditë e natë pa pushim, pasi nuk po i ngre as akuzën e shpërdorimit të detyrës të burgosurit në burgun e Durrësit.

Dhe e vërteta e dytë është që dalin mesazhet pa u çuar çështja në gjykatë. Pra dalin pjesë të dosjes hetimore. Këto janë dy të vërtetat. E para, Dritan Prençi e ka “vdekur” dhe kërkon të “varrosë” dosjen e inceneratorëve, dhe e dyta, i dalin përgjime të cilat janë pjesë e dosjes hetimore dhe nuk kanë shkuar tek avokatët.

Përse i përmendim këto dy të vërteta?

Së pari, për faktin se kur CNA publikoi përgjimet e Erion Veliajt nga burgu i Durrësit, në momentin që dosja kishte shkuar në gjykatë, Mero Baze, Carlo Bollino dhe mediat e Rilindjes dhe Erion Veliajt që veçohet zdroms, u hodhën përpjetë: “I kanë shitur prokurorët”, “Kush i nxori?”, “Pse i nxori?”. Në fakt, u detyruam nxorëm dhe dokumentin me vulë gjykate që i kishim marrë nga gjykata aktet.


Sot dalin përgjime pas ekspertizës që i është bërë telefonit të Arbër Avramit, që në fakt janë pjesë e dosjes hetimore të Evis Berberit, por nuk kanë shkuar në gjykatë. Pra, në rastin e Erion Veliajt, aktet që ne publikuam te përgjimet, dosja kishte shkuar në gjykatë dhe është normale që të nxirren më pas, se janë publike. Kurse në rastin e sotëm, nuk kanë shkuar në gjykatë.


Si i rrodhën informacionet Dritan Prençit? Kush i nxori materialet? A duhet të ketë SPAK një hetim për tërë rrjedhjen e informacionit? Që të mos kemi dy standarde, pra të kemi të njëjtin. Siç na tha Carlo Bolino dhe Mero Baze, gazetari i familjes Veliaj herën e parë, se përgjimet që nxori CNA-ja ishin skandal dhe kishte rrjedhur informacioni. Pasi u verifikua, doli që aktet kishin dalë nga gjykata zyrtarisht. Tani të bëjë një hetim SPAK dhe Altin Dumani, të na tregojë si kanë rrjedhur këto dokumenta nga kjo dosje hetimore e Dritan Prençit.

Prokurori, të theksojmë, që ka “vdekur” çështjen e inceneratorëve dhe kërkon ta varrosë. Se këto janë fakte që përballen me njëra-tjetrën për të kuptuar se kush është ky prokuror dhe standardet e tij me çështje thuajse qesharake, për të cilat këto dy të vërteta duhet të jenë dhe një apel për KLP-në, e cila duhet të hetojë dhe t'i verifikojë për të zbardhur të vërtetën e prokurorit Dritan Prençi./CNA





Lajmet e fundit nga