web counter
LEXO PA REKLAMA!

SHKARKO APP

App Store
Google Play

E fundit!

x

Si u tall Berisha me Besim Ndregjonin

8 Dhjetor 2025, 18:39, Aktualitet CNA

Si u tall Berisha me Besim Ndregjonin

Sali Berisha nuk ka nënshkruar si mbështetës i kandidaturës së Besim Ndregjonit.

Të vetmet firma mbështetje që ka dhënë janë njëra për Adriana Kalanë, (i katërti në listë) dhe tjetra për Jola Hysajn (i pari në listë).

Pra Sali Berisha që ka që nga legjislatura e kaluar që trumbeton kandidatin Besim Ndregjoni, nuk ka firmosur fare për Besim Ndregjonin.

Për Besim Ndregjonin nuk ka firmosur as Gazment Bardhi, as Jozefina Topalli, as Edi Paloka, as Jorida Tabaku, as Albana Vokshi e as Genc Strazimiri.

Pra asnjë nga besnikët e Sali Berishës nuk ka nënshkruar mbështetjen për Besim Ndregjonin, duke i qëndruar kështu besnik vullnetit të shprehur qartë nga Berisha duke mos i dhënë mbështetjen.

Për Ndregjonin firmosin shoqata që thjesht vazhdojnë talljen me kandidatin e deklaruar të parapëlqyer nga Berisha, por të pambështetur nga Berisha.

Ka vetëm një problem që Ndregjonit nuk po ia thonë gjithësa po lajnë gojën duke e "mbështetur". Dhe problemi është që mosha e pensionit për Avokat të Popullit është 70 vjeç.Besim Ndregjoni është ditëlindja '53!

Pse e tallin mbase nuk është vetëm për faj të tyre. Një kandidat që nuk di as kriteret e garës, ua bën të lehtë lojën të gjithëve.

Besim Ndregjoni është 72 vjeç. I vetmi urim që mund t'i bëjmë sa i takon kësaj garës që po e vazhdon prej 3 vjetësh, është që ta gëzojë pensionin pas si Avokat i Popullit pasi shijoi garën.

Për President nuk ka kriter moshe! Sali Berisha mund ta ketë sërish në konsideratë.

Mjafton që Besimi mos të tregojë se i ka mbetur hatri nga kjo tallja prej 3 vjetësh./CNA





Lajmet e fundit nga