web counter
LEXO PA REKLAMA!

SHKARKO APP

App Store
Google Play

E fundit!

x

Sali Berisha: 8 Dhjetori, një nga datat më të shënuara në historinë e lirisë së kombit shqiptar

8 Dhjetor 2025, 11:51, Aktualitet CNA

Sali Berisha: 8 Dhjetori, një nga datat më të shënuara

Kreu i PD-së, Sali Berisha, ka përkujtuar sot 8 Dhjetorin e vitit 1990, duke e cilësuar si një nga datat më të rëndësishme në historinë moderne të Shqipërisë dhe si “ditëlindjen e lirive të shqiptarëve”. Në një mesazh drejtuar studentëve të dhjetorit, ai shprehu mirënjohje për rolin e tyre në rrëzimin e regjimit komunist.

Berisha theksoi se 35 vite më parë, më 8 dhjetor 1990, studentët e Universitetit të Tiranës dhe të shkollave të tjera të larta, të udhëhequr nga Azem Hajdari, nisën protestat që shënuan fillimin e revolucionit demokratik në Shqipëri.

Ai kujtoi se protesta e parë studentore u zhvillua me moton “Liri, Demokraci, Shqipëria si Europa”, një thirrje që sipas tij shënoi ndarjen e epokave dhe hapjen e rrugës drejt pluralizmit politik në vendin më monist të kontinentit.

Berisha u ndal edhe te vështirësitë dhe rreziku me të cilin studentët u përballën atë dhjetor, duke theksuar se ata u ngritën “të vetëm, të braktisur nga shqiptarët dhe nga Europa”, në një kohë kur regjimi komunist ekzekutonte të rinj në kufi dhe shtypte çdo tentativë të ndryshimit.

8 Dhjetori shënohet sot si Dita Kombëtare e Rinisë, ndërsa dhjetoristët dhe historia e lëvizjes studentore të 1990-ës vazhdojnë të mbeten simbol i rrëzimit të komunizmit në Shqipëri./ CNA





Lajmet e fundit nga