web counter
LEXO PA REKLAMA!

SHKARKO APP

App Store
Google Play

Largohen shirat?/ Ja si parashikohet të jetë moti përgjatë kësaj jave

8 Dhjetor 2025, 12:40, Aktualitet CNA

Largohen shirat?/ Ja si parashikohet të jetë moti përgjatë

Kjo javë ka nisur me mot të qëndrueshëm dhe diell, ndërsa sinoptikanët parashikojnë që kushtet e favorshme atmosferike do të vazhdojnë gjatë gjithë javës.

Sipas Hakil Osmanit nga MeteoAlb, ditët do të shoqërohen me kthjellime të gjata dhe kalime të lehta vranësirash, kryesisht në zonat malore, pa mundësi për reshje. Kthjellimet më të dukshme priten gjatë mëngjesit dhe mesditës, veçanërisht në Ultësirën Perëndimore dhe vijën bregdetare.

Temperaturat do të regjistrojnë rritje, me vlera maksimale që pritet të arrijnë 20–22°C, duke bërë ditët më të ngrohta të javës në pjesën e dytë, sidomos të enjten dhe të premten.

Era do të jetë e lehtë, pa shqetësime për qytetarët, duke e bërë këtë javë të përshtatshme për aktivitete në natyrë dhe lëvizje jashtë.

Kjo javë pritet të jetë një mundësi ideale për të shijuar diellin dhe temperaturat e ngrohta në të gjithë territorin e Shqipërisë.

“Moti përgjatë kësaj jave, gjatë gjithë ditëve do të jetë nën mbizotërimin e motit të qendrueshëm, duke bërë që të kemi intervale të gjata me diell, kalime të lehta të vranësirave. Kthjellimet më të dukshme do të jenë gjatë orëve të para të mëngjesit dhe mesdites, të fokusuara kryesisht në Ultësirën Perëndimore dhe më së shumti në vijën bregdetare, ndërsa në zonat malore herë pas here do të kemi kalime të vranësirave. Do të jenë të shpeshta, por nuk do të krijojnë mundësi për reshje. Sa u përket temperaturave të ajrit gjatë kësaj jave, maksimumet do të jenë 5-6 gradë më të larta sesa vlerat maksimale pasi presim maksimume, të cilat do të luhaten gjatë gjithë kësaj jave nga 20°C-22°C. Temperaturat më të larta parashikohen të jenë në pjesën e dytë të javës. Dita e enjte, dita e premte, do të sjellin maksimume rreth vlerës 22°C në rang territori”, ka deklaruar Osmani./ CNA





Lajmet e fundit nga