web counter
LEXO PA REKLAMA!

SHKARKO APP

App Store
Google Play

E fundit!

x

Avokati i Popullit/ Berisha dhe Gazment Bardhi tallen me kandidatët

8 Dhjetor 2025, 16:57, Aktualitet CNA

Avokati i Popullit/ Berisha dhe Gazment Bardhi tallen me kandidatët

Kryetari i Partisë Demokratike, Sali Berisha dhe kryetari i Grupit Parlamentar, Gazment Bardhi janë tallur me dy kandidatët kryesorë për Avokatin e Popullit, konkretisht Adriana Kalaja dhe Besim Ndregjoni.

PD ndërkohë që mund të shkonte me këta dy emra, pra me Kalanë dhe Ndregjonin, ka shkuar me 6 kandidatura.

Adriana Kalaja është një figurë që si anëtare e PD-së ka mbrojtur shumë kauza dhe ka bërë një sërë denoncimesh për afera. Gjithashtu dhe Besim Ndregjoni, një ish i përndjekur politik, i cili ishte emri i parë i propozuar nga PD-ja, emër që Berisha e trumbetonte prej kohësh si Avokat Populli.

Po 4 emrat e tjerë çfarë përfaqësojnë për Partinë Demokratike, krahasimisht me Besim Ndregjonin dhe Adriana Kalanë? Është qesharake ta thuash, por pa u diskutuar në grupin parlamentar, pa u marrë vendimi, emrat janë çuar, janë bërë fakt i kryer dhe janë 6 kandidatura.

Midis kandidatëve që janë propozuar për Avokat Populli, ka emra që janë të lidhur me grupet kriminale dhe persona të tjerë të përfshirë në dosjet hetimore të SPAK, siç është dosja e “Bankers”.

Opozita mund të shkonte me dy emra dinjitozë siç janë emrat e Adriana Kalasë dhe Besim Ndregjonit dhe pastaj dhe po t’i votonte kundër Partia Socialiste dhe t’i refuzonte, le të çonte emra të tjerë.

Nuk mund të çosh 6 emra dhe përballë dy emrave dinjitozë të ketë kandidatë me problematika morale, politike, etike dhe penale./CNA





Lajmet e fundit nga