web counter
LEXO PA REKLAMA!

SHKARKO APP

App Store
Google Play

E fundit!

x

Dumani, takim të nivelit të lartë me Blattler/ Çfarë diskutoi me Prokurorin e Përgjithshëm të Zvicrës

19 Shtator 2024, 17:25, Aktualitet CNA

Dumani, takim të nivelit të lartë me Blattler/ Çfarë

Drejtuesi i Prokurorisë se Posaçme, Altin Dumani dhe Prokurori i Përgjithshëm i Zvicrës, Stefan Blattler, kanë zhvilluar në Bernë një takim të nivelit të lartë, ku diskutuan zhvillimet më të fundit në luftën kundër krimit të organizuar ndërkombëtar dhe korrupsionit.

Të dy drejtuesit e lartë, Dumani dhe Blattler, rikonfirmuan përkushtimin e tyre për të vazhduar dhe intensifikuar bashkëpunimin e shkëlqyer të nisur midis të dy zyrave përkatëse duke u bazuar në të drejtën e brendshme dhe instrumenteve ligjore ndërkombëtare të nënshkruar nga të dy shtetet përkatëse. Bashkëpunimi ndërkombëtar i këtij lloji është thelbësor për të luftuar në mënyrë efektive të gjitha format e krimit të organizuar dhe korrupsionit ndërkufitar.

Dumani dhe Blattler theksuan rëndësinë e forcimit të marrëdhënieve të mira midis të dy institucioneve. Ky bashkëpunim ofron mundësi të shkëlqyera për vendosjen e një komunikimi të vazhdueshëm me qëllim shkëmbimin e përvojave më të mira dhe për krijimin e strategjive dhe njësive të përbashkëta hetimore në luftën kundër krimit të organizuar dhe korrupsionit në të dy vendet.

Dy drejtuesit nënvizuan se kjo frymë pozitive bashkëpunimi do të forcojë më tej përpjekjet e përbashkëta për një rend ligjor më të sigurt në të dy vendet dhe në rajon./ CNA

Dumani, takim të nivelit të lartë me Blattler/ Çfarë





Lajmet e fundit nga