web counter
LEXO PA REKLAMA!

SHKARKO APP

App Store
Google Play

E fundit!

x

Çështja “Partizani”/ Brisida Shehaj: Aktakuza për Berishën, e turpshme

19 Shtator 2024, 09:21, Aktualitet CNA
Çështja “Partizani”/ Brisida Shehaj: Aktakuza për
Ekspertja e Ekonomisë Brisida Shehaj

Ekspertja e Ekonomisë, Brisida Shehaj, ka komentuar detajet nga aktakuza e SPAK-ut për liderin e opozitës Sali Berisha, i cili akuzohet për korrupsion pasiv në çështjen “Partizani”.

Shehaj përballë Malltezit është shprehur se aktakuza e SPAK-ut për shpenzimet shëndetësore të zotit Berisha është e turpshme, pasi çdo fëmijë do ta bënte një gjë të tillë.

Ndërsa më tej i ka drejtuar disa pyetje zonjës Argita Malltezi në lidhje me fondacionin e zonjës Liri Berisha, ku Malltezi ka pohuar se nëna e saj nuk ka marrë asnjë pagesë apo honorare.

Biseda mes Brisida Shehajt dhe Argita Malltezit

“Kur t’i ke një aktakuzë, në atë shkruhet shkurt, çfarë të është gjetur, edhe prova. Këtu janë 500 faqe… këtu përmendet që edhe Ndea Prendi ka qenë njeriu që ju i dërgonit lekë nga Kosova.”

Malltezi: Sepse Ndrea Prendi dhe gjithë grupi i shoqërimit që punonin në Gardë kanë qenë komshinj të mitë dhe ne kemi qenë në Kosovë dhe i dërgoja para dikujt me bankë për t’u bërë ato që kishin nevojë të bëheshin në pallat.

Shehaj: SPAK-u thotë, Gjici blen apartamentin, Argita mori 1170 euro qira edhe mbasi u shit apartamenti.

Malltezi: Kjo është e pavërtetë, kemi përmendur…

Shehaj: Sali Berisha udhëtoi në Vienë me shtetasin Bari Hodaj, i cili ishte personi që ktheu pronën. Domethënë ky zotëria është një specialist dhe Berisha u desh ta merrte në Vjenë.

Malltezi: Kjo ishte gjëja më e bukur… Ky personi ka qenë i caktuar nga Partia Socialiste, i zgjedhur nga mazhoranca në Parlament. Ka rastisur që ka udhëtuar në Vjenë. Ky 2-3 muaj më pas duhet të jetë shkarkuar nga puna sepse hyri ligji për AKKP-në.

Shehaj: Me çfarë shoh flitet për pagesat që ka marrë zoti Malltezi për ekspertizën, studimet që ka bërë për Homeplan-in. Të lutem, a ka në këtë dosje hetimore, një hetim ku SPAK-u të thotë, ky ka marrë 80 mijë euro këtu, por ky zotëria faturonte subjekte të tjera më ulët? Pra, është konstatuar që janë fiktive këto fatura?

Malltezi: Absolutisht që jo.

Shehaj: Unë ngelem tek ish-kryeministri dhe ish-presidenti që ka drejtuar vendin tim dhe dua të di, a është korruptuar zoti Sali Berisha. Në dosje ka vetëm dy momente. I pari është i turpshëm në fakt, se unë paguaj shpenzime shëndetësore kur prindërit e mi kanë nevojë, si çdo fëmijë, çdo shqiptar besoj do rrinte edhe pa bukë dhe do paguante shpenzimet e pindërve dhe unë nuk dua ta prek se kjo është e turpshme.

Kemi dëgjuar që zonja Berisha ka një fondacion. Biznesmenët shqiptarë shkonin e bënin garë dhe ishin miliona euro që hidheshin për blerjet e pikturave. Nga ju mësova që zonja Berisha nuk ka përfituar anjëherë rrogë apo honorare nga fondacioni. Është i vërtetë ky pohimi juaj, për gjithë periudhën gjatë gjithë kohës?

Malltezi: Anjëherë. S’ka marrë kurrë asnjë lloj pagese.

Shehaj: Në aktakuzë përmendej edhe thuhet që ju keni dhënë para fondacionit dhe ky quhet moment korruptimi. Nga kjo kuptohet që këto para i ka dhënë zonja Malltezi dhe i ka përfituar e ëma. Ju kërkoj shumë ndjesë për pyetjen që do bëj: Fëmijët që kanë përfituar këto para, janë familjarët tuaj? Pra, ata që kanë përfituar kurimin, janë familjarët tuaj?

Malltezi: Sigurisht që nuk janë familjarët e mi. Ky është një fondacion me një bord, në pjesën më të madhe të trashëguar, por edhe të ndryshuar në përbërje gjatë viteve. Nesër pasnesër Liri Berisha largohet nga fondacioni dhe misionin e vazhdon dikush tjetër. Paratë kanë shkuar për fëmijë specifikë që i specifikonte fondacioni. Kurrë SPAK-u nuk ka pyetur për këto gjëra për të konkluduar./ CNA





Lajmet e fundit nga