web counter
LEXO PA REKLAMA!

SHKARKO APP

App Store
Google Play

Rama, nga Brukseli: Procesi për integrimin në BE nuk është çështje që i përket vetëm qeverisë

19 Shtator 2024, 09:38, Aktualitet CNA
Rama, nga Brukseli: Procesi për integrimin në BE nuk është
Kryeministri Edi Rama

Kryeministri Edi Rama ndodhet në Bruksel ku ka zhvilluar një takim me Presidentin e Komitetit Ekonomik dhe Social Europian, Oliver Röpke.

Gjatë fjalës së tij në deklaratën e përbashkët me Ropke-n, Rama u shpreh se procesi për integrimin e Shqipërisë në BE nuk është çështje që i përket vetëm qeverisë, por dhe gjithë qytetarëve.

Kryeministri ka deklaruar se Shqipëria është e gatshme të bëjë gjithçka për të përshpejtuar procesin e integrimit në BE.

“Kemi pasur një diskutim mjaft të lirë dhe të këndshëm dhe më vjen mirë që mendojmë njësoj për një sërë çështjesh. Është inkurajuese. Na sjell energji të reja që kemi arritur finalizmin e krijimit të komitetit konsultativ.

Procesi në BE nuk është çështje që i përket qeverisë, por gjithë qytetarëve.

Unë jam i emocionuar për mbështetjen që ne na ka dhënë presidenti Oliver Ropke dhe ekipi i tij se na jep mundësinë që t'u tregojmë qytetarëve dhe të gjithë aktorëve në vendin tonë, jo thjesht nëpërmjet gjërave që themi, por nëpërmjet një institucioni se sa e rëndësishme është të kuptojë se rrugëtimi drejt BE-së është një çështje që i përket edhe shoqërisë.

Me këtë komitet konsultativ që do të krijohet së shpejti do të kemi dialog me komunitetin ekonomik social.

Do bëjmë gjithçka që mundemi për të përshpejtuar anëtarësimin tonë në BE”, tha Rama./ CNA





Lajmet e fundit nga