web counter
LEXO PA REKLAMA!

SHKARKO APP

App Store
Google Play

E fundit!

x

Shtyhet seanca për Beqajn/ Pretendimi i ish-ministrit për dëshminë në Komisionin Hetimor

19 Shtator 2024, 15:01, Aktualitet CNA

Shtyhet seanca për Beqajn/ Pretendimi i ish-ministrit për

Shtyhet për në datën 3 tetor 2024 seanca gjyqësore për ish-ministrin e Shëndetësisë, Ilir Beqaj.

Shkak u bë tejzgjatja prej 4 orësh e seancës dhe mosarritja që të ezaurohej leximi i akteve nga SPAK-u.

Ndër të tjera, ish-ministri ka ngritur dhe pretendimin në lidhje me thirrjen e tij për të dëshmuar në Komisionin Hetimor të Shëndetësisë.

Sipas Beqajt, ngriti shqetësimin se do t’i duhet të zbërthejë në komision të gjitha aktet dhe argumentet një pjesë e të cilave përbëjnë sekret hetimor.

Për këtë ka kërkuar mendimin e Gjykatës.

“Jam thirrur në Komisionin Hetimor për të paraqitur pretendimet e mia dhe për të dhënë sqarime para deputetëve. Kam ndërkohë nga një tjetër trupë gjykuese një masë sigurie (për dosjen 'SASPAC'), sa kohë do të më jepet për të përgatitur qëndrimet e mia? Ky nuk është shqetësimi më i madh, pasi do duhet t’i zbërthej në komision të gjitha aktet dhe argumentet një pjesë e të cilave përbëjnë sekret hetimor, dhe deklarimet e mia atje mund të përbëjnë shkelje të vendimit të gjykatës për mosnxjerrje të sekretit hetimor. Dua të di qëndrimin e gjykatës”, tha Beqaj./ CNA





Lajmet e fundit nga