web counter
LEXO PA REKLAMA!

SHKARKO APP

App Store
Google Play

4 hipotezat/ Shefi i Kardiologjisë sqaron çfarë mund të ketë ndodhur me ish-deputetin e PD-së

19 Shtator 2024, 11:04, Aktualitet CNA

4 hipotezat/ Shefi i Kardiologjisë sqaron çfarë mund të

Mjeku kardiolog, Altin Veshti, është shprehur se ekzistojnë 4 hipoteza kur një person mund të pësojë vdekje kardiake, referuar rastit të ish-deputetit Gerti Bogdani.

“Ekzistojnë 4 hipoteza që një person mund të pësojë vdekje kardiake. I pari që duhet të them është infarkti i miokardit, pra infarkti është mbyllja e njërës nga arteriet e zemrës dhe zemra ka 2 arterie dhe ajo zonë që nuk merr gjak praktikisht fillon e ul funksionin.

Fakti që ai ka filluar të ketë marrje fryme, do të thotë që ana e majtë e zemrës, pra ventrikuli i majtë, ka filluar të mos furnizohet mirë me gjak dhe ndërkohë ka ardhur duke u mbyllur në mënyrë totale. Në momentin që mbyllet komplet arteria nuk është se ndalet zemra, siç mendon populli, por ndërhyn një aritmi malinje që bën që zemra mos të tkurret më, por vetëm bën një lëvizje që nuk arrin të pompojë.

Kjo ndodh shumë shpejt dhe është e vështirë të ndërhyet. Shpeshherë na ka ndodhur ne që edhe në repart të jesh nuk arrijmë dot t’i çojmë në sallë dhe t’i shpëtojmë. E dyta është ajo që ne e quajmë diseksioni i aortës ose çarja e aortës. Por kjo jep një dhimbje të menjëhershme sikur të ngulet një thikë në gjoks.

I treti është tromboembolia pulmonare, pra që të mbushen mushkëritë me trombë, 2 arteriet e mëdha dhe mbushja në mënyrë masive e bën të pamundur jetën e pacientit. E katërta është një aritmi që ndodh te futbollistët dhe nuk mendoj se është rasti i tij. Janë këta futbollistë që duke luajtur rrëzohen që quhet aritmia e ventrikulit të djathtë”, tha mjeku./ CNA





Lajmet e fundit nga