web counter
LEXO PA REKLAMA!

SHKARKO APP

App Store
Google Play

E fundit!

x

‘Drejtësia nuk mund të bëhet dashnore e politikës’/ Karamuço: Brenda institucionit ka përplasje

4 Tetor 2022, 22:29, Aktualitet CNA
‘Drejtësia nuk mund të bëhet dashnore e
Eksperti i kriminalistikës, Ervin Karamuço,

Eksperti i kriminalistikës, Ervin Karamuço, ka deklaruar se brenda institucionit të drejtësisë ka përplasje.

I ftuar në emisionin “Log”, teksa po diskutohej tema a po i zvarrit çështjet e politikës SPAK-u, Karamuço tha se sipas tij brenda SPAK-ut sot janë dy institucione, Prokuroria e Posaçme dhe Byroja Kombëtare e Hetimit.

Ndër të tjera, eksperti tha se, drejtësia nuk mund të bëhet “dashnore” e politikës.

Pjesë nga biseda në studio:

Karamuço: Ne kemi akoma shumë problematika në kodin penal, po miratohet tani në fund të dhjetorit, dhe akoma nuk dimë se çfarë do të na serviret. Duhet të rishikohet në një kuadër të interesit publik, jo profesional. Publiku do dy gjëra dhënien e shpejt të një përgjigjeje, dhe e dyta sa hapësira lëmë ne në interpretime. Duhet të marrë fund loja që kur duam dënojmë, kur nuk duam interpretojmë. Ne këtë që ka ndodhur e kemi mbajtur njëherë si mjet për të mbajtur në çengel personat, dhe njëherë si mjet për të shantazhuar ata që kemi interes. Drejtësia nuk mund të bëhet “dashnore” e politikës. Kur flasim për SPAK duhet të kemi parasysh edhe një gjë, SPAK nuk është prokuroria, janë dy institucione Prokuroria e Posaçme dhe Byroja Kombëtare e Hetimit. Byroja Kombëtare e Hetimit deri tani është eklipsuar.

Xhafo: BKH është polici gjyqësore e SPAK, ajo ligji i njeh BKH-së të drejtën të hetojë edhe në mënyrë të pavarur?

Karamuço: BKH ndjek të gjitha të drejtat dhe detyrimet siç e parashikon kodi për policinë gjyqësore, por ka një trajtim të veçantë sepse është strukturë e posaçme. Ne këta njerëz i paguajmë shumë, partnerët tanë po i specializojnë, janë aty në detyrë, kanë një drejtuese. Struktura e tyre në prapaskenë ka një përplasje me SPAK. Nga njëra anë BKH shikohet si paradhomë e SPAK. Ndërkohë ajo që për të cilën është dhënë shumë lek është për ta kthyer në një FBI, dhe FBI ka një efektshmëri më të madhe, e kemi realizuar ne me BKH-në? Duket sikur nuk ekziston akoma.

Xhafo: Thatë një detaj ka patur një konflikt të brendshëm?

Karamuço: Duket.

Xhafo: Debati dhe diskutimi nëse ka një debat mes BKH dhe SPAK është bërë dhe në parlament, ka ndonjë gjë të re?

Karamuço: Pikat e propozuara në ndryshime shoh çfarë kërkon drejtuesja e BKH dhe çfarë kërkon drejtuesi i prokurorisë së Posaçme, shoh se aty nuk ka një harmoni,. Unë shoh aty një nga gjërat që bën Drejtuesi i prokurorisë së Posaçme, na janë serverat me përgjimet e familjarëve, sepse BKH përgjon familjarët e Prokurorisë së Posaçme. Kam përshtypjen dhe dyshoj, janë ca gjëra që edhe nuk duhet t’i dëgjojë BKH. Fakti që nuk zgjerohet serveri, nuk më çon aq larg të më çojë për debate parimore. Unë pres që BKH të jetë në terren të dalë në konferenca për shtyp. Kush e eklipson rolin e BKH-së sot?/ CNA.al





Lajmet e fundit nga