web counter
LEXO PA REKLAMA!

SHKARKO APP

App Store
Google Play

Nënshkruhet marrëveshje me gjigantin spanjoll të gazit/ Balluku: Hap për tejkalimin e krizës

4 Tetor 2022, 17:19, Aktualitet CNA
Nënshkruhet marrëveshje me gjigantin spanjoll të gazit/ Balluku:
Foto nga nënshkrimi i marrëveshjes

Qeveria shqiptare ka nënshkruar sot marrëveshjen e bashkëpunimit mes Albgaz dhe kompanisë spanjolle ENAGAS, duke i hapur rrugë të dyja palëve për të punuar dhe ndërvepruar për projektet në sektorin e gazit.

Gjatë fjalës së saj, ministrja e Energjisë, Belinda Balluku e cilësoi këtë marrëveshje si një hap për tejkalimin e krizës.

Ajo theksoi se energjia është kyçi i problemit dhe çelësi i suksesit në ditët e sotme.

“Nga 2020 na është dashur shpesh të mblidhemi për të firmosur marrëveshje që ndoshta për publikun shpesh herë duken sikur nuk janë aksione të vërteta për ecurinë e projekteve. Kemi nisur bashkëpunimin në pranverë të këtij viti dhe firmosëm një marrëveshje mirëkuptimi në prezencë të kryeministrit Rama dhe zv.kryeministres spanjolle për t’i hapur rrugë energjisë gjatë verës. Ne kemi punuar për të pasur rezultate dhe sot, në javën e parë e parë të tetorit po nënshkruajmë marrëveshje bashkëpunimi që vendos në një kuadër të pastër ligjor, hapat që do të hedhim në të ardhmen. Energjia është kyçi i problemit dhe çelësi i suksesit në ditët e sotme.

Nuk ka asnjë shtet që është imun nga kriza ekonomike që ka krijuar ditët e sotme energjia. Sot kur parashikimet e janarit 2022 për ecurinë e 3 mujorëve të vitit janë të ndryshme nga realiteti, e kemi nisur me parashikime për rreth 350 euro/MË dhe kemi përfunduar me çmime më të larta se 600 euro/MË. Asnjë shtet nuk është gati për këtë krizë. Në këtë kohë duhen rritje të kapaciteteve prodhuese përmes burime alternative të energjisë. Energjia e rinovueshme është prioritet për Shqipërinë”, deklaroi Balluku./ B.A. - CNA.al





Lajmet e fundit nga